مصر موتورز مجتمع السيارات

السلام عليكم

النهاردة عملت صيانة 160 الف كم ..و هى شبه صيانة ال80 الف كم. اشتريت قطع الغيار الاصلية من محل فى صقر قريش اسمه الهدى .... و رحت لواحد جنبه اسمه همام ... كان شغال فى توكيل ميتسوبيشى و دى قائمة بقطع الغيار و اسعارها

سير كاتينة .................... 250
سير الباور ستيرنج ...........140
سير الدينامو و التكييف ..... 120
بلية شداد سير الكاتينة .......330
فلتر بنزين .....................600
فلتر هواء .....................230
طقم بوجيهات ......... ......130
4 لتر زيت ميتسوبيشى .....220
2 جركن مياه خضراء للردياتير 2*100

الميكانيكى اخد 180 جنيه مصنعية
ملاحظات :-
سمعت ان زيت موبيل 1 فيه منه مضروب كتير ..... لقيت فى المحل زيت عبوات واحد كيلو مكتوب عليه متسوبيشى .... كانو بيحطو منه فى التوكيل .... العربية بتاخد 3 لتر و نصف

نزلت مياه الردياتير و حطينا مياه خضراء جديدة ... لقيتها بتتباع عند نفس المحل .... الجركن 4 لتر بـ 100 جنيه
الصنايعى دور العربية و استنى لغاية لما مروحة التبريد تشتغل ... علشان الشوك الى فى دورة التبريد يكون فتح و يصفى المياه الى جوة الموتور .... تصفيه المياه كانت عن طريق فتح العصفورة الى فى اخر الردياتير من تحت

تزويد الردياتير .... دورت العربية ... زودنا المياه الخضراء من فتحة الردياتير لغاية لما الردياتير اتملى .... قفلنا الغطاء .... و انتظرنا لغاية لما مراوح التبريد اشتغلت تانى .... و رحنا مزودين مياه تانى .... الصنايعى قالى الصبح ازود مياه تانى و العربية لسة باردة

الميكانيكى عنده جهاز كومبيوتر و صلو بالعربية و كشف عليها
و كشف على العفشة ... لقينا فيه شغل فى العفشة .. انا اجلتوا شوية