ساعدوني أرجوكم
 

:070104~242::070104~242:: 070104~242:
العربية وانا ماشي في امان الله راجع من الشغل امبارح شميت ريحة شياط رهيبه
ركنت على جمب ونزلت لقيت الكاوتش اللي ورا بيطلع دخان جااامد MADDRIVE
قولت يبقى الكاوتش ساح طلعت الكوريك و العده علشان اركب الاستبن لقيت الكوتش اللي قصاده ورا برده بيطلع دخان دققت شويه لقيت ان الدخان مش من العجل ده من جوه
حاولت اركن العربية في جمب الطريق شويه العربية مش راضيه تمشي وكأن حد شادد العربية من وار(كأني شادد الهاند بريك)
وقفت واستنيت عربية كرين جت شالتني لحد الميكانيكي
وصلت عند الميكانيكي العربية بقت طبيعيه
وبعد كده اكتشفت ان العربيه لما بتمشي شويه وتسخن الفرامل تكلبش فيها وماتمشيش
ولما اقف وابردها بميه واستنى شويه تمشي
الميكانيكي بيقولي مش عارف العيب في ايه لان لما بيجي يشوف يلاقي كل حاجه تمام
عايز اعرف اعمل ايه وكده العطل جاي منين
ولو حد يعرف حد يعملها شاطر هنا في الكويت ياريت مايبخلش عليا
آآآآآسف على الاطاله
:070104~242:سوقسوق

رد: ساعدوني أرجوكم
 

اعتقد العيب من مجموعة الفرامل الخلفية
التيل او الطنابير(الاطباق اللى فيها الاولسيهات)
افحصهم بدقة وان شاء الله تلاقيها بسيطة
وبالعقل كده فى حاجه معدن بتتمدد بالحرارة وتزيد الضغط على الطنابير
واحتمال يكون نوع تيل الفرامل مش كويس

رد: ساعدوني أرجوكم
 

بص يا سيدى ...
ده إنسداد فى دورة الفرامل ... أو وساخة فى أحد المساتر الفرعية
بس أنا مع الرأى الأول لأن العجلتين بيقفشوا
و ده بيحصل بعد ما تتحرك و تستخدم الفرامل
لديك حل سريع DIY تعمله بنفسك :
لما تلاقى العجل قفش .. تفك صامولة خرطوم الفرامل الخلفى
من الماستر الرئيسى
هتلاقيها طلعت شوية زيت .. بعد كده تربط على طول
علشان مايدخلش هواء للدورة .
القفشة هاتتفك و تقدر تمشى بالعربية
بس يستحسن تروح للميكانيكى و تشرح له المشكلة
و الحل يكون فك خط الزيت الواصل للعجل الخلفى
و تنظيفه بضغط الهواء
و بالتوفيق ‘

رد: ساعدوني أرجوكم
 

متشكر جدا لردودكم انا لسه راجع نت عند ميكانيكي تاني قالي في مشكله في فرامل ال ABS وقالي روح لحد متخصص في البريك
ياريت لو حد يعرف فني متخصص في البريك في الكويت وياريت لو متخصص في المرسيدس بالذات
شكراً جدا لتعاونكم:1497EA~150:

رد: ساعدوني أرجوكم
 

الحمد لله تم تصليح السيارة و العيب طلع في طرمبة الفرامل
أشتريت واحده وركبتها عند محل في الشويخ اسمه ( بريك وميزان اخوان ) محل ممتاز في تصليح البريك
والحمد لله بقت كويسه شكرا لكل اللي حاول يساعدني
:waving::waving:
:fun_36_3_16[1]::fun_36_3_16[1]: