صاحبنا واخد مقلب في العربية الجيب بتاعته
في يوم ليس بالبعيد كان في سيول كتير في السعودية فصاحبنا صاحب العربية دي http://img338.imageshack.us/img338/8273/att00001nc.jpg بحكم إنه راكب لاند كروزر حب يطلع يتفرج على ما تبقى من أثار الأمطار والسيول وكان معتمد قوي إنه راكب لاند كرورز لكن تقديره خانه شوية بشوية لقى نفسه بيدخل أكتر في الطين والعربية ماشية معاه http://img519.imageshack.us/img519/5818/att00002g.jpg وبعد شوية إتفاجئ بنفسه مغروز والعربية وسط بركة من الطين http://img706.imageshack.us/img706/3358/att00003j.jpg المهم ساب عربيته للصبح ورجع الصبح بجرار عشان يسحبله عربيته ويخرجهاله من الغرزة http://img532.imageshack.us/img532/8225/att00004c.jpg وكانت دي النتيجة http://img339.imageshack.us/img339/5723/att00005q.jpg http://img341.imageshack.us/img341/8357/att00006w.jpg http://img408.imageshack.us/img408/1747/att00007x.jpg http://img686.imageshack.us/img686/7031/att00008z.jpg http://img189.imageshack.us/img189/4381/att00009c.jpg وبعد عناء طويل فقدوا الأمل في الجرار اللي جابوه يخرج الجيب فجابو عربية نقل تخرج الجرار اللي جابوه يخرج الجيب http://img156.imageshack.us/img156/4986/att00010d.jpg وكانت النتيجة إن النقل بقت عاوزة حد يخرجها http://img99.imageshack.us/img99/3778/att00011jf.jpg شوفوا كولمان المية عشان تحسوا بالمعاناة المهم بعد عناء طويل برضوا فقدوا الأمل في النقل اللي جابوها تخرج الجرار اللي جابوه يخرج الجيب فجابو بلدوزر يخرج العربية النقل اللي جابوها تخرج الجرار اللي جابوه يخرج الجيب http://img517.imageshack.us/img517/8063/att00012p.jpg حد شايف لعجلاته ملامح؟؟ http://img704.imageshack.us/img704/9822/att00013m.jpg وكانت النتيجة إن البلدوزر بقى عاوز حد يخرجه http://img21.imageshack.us/img21/3580/att00014z.jpg فكان لا بد من دورين شاي خمسينة للرجالة وبعد عناء طويل برضوا فقدوا الأمل في البلدوزر اللي جابوه يخرج النقل اللي جابوها تخرج الجرار اللي جابوه يخرج الجيب فجابوا الدفاع المدني يخرج البلدوزر اللي جابوه يخرج العربية النقل اللي جابوها تخرج الجرار اللي جابوه يخرج الجيب http://img687.imageshack.us/img687/4807/att00015d.jpg وللأسف وصل الدفاع المدني ويا ريته ما وصل http://img411.imageshack.us/img411/5717/att00017b.jpg طبعا عارفين النتيجة الله ينور عليكم فعلا غرز الدفاع المدني http://img717.imageshack.us/img717/6328/att00019x.jpg وبعد محاولات مضنية لإخراجه فقدوا الأمل في الدفاع المدني اللي جابوه يخرج البلدوزر اللي جابوه يخرج النقل اللي جابوها تخرج الجرار اللي جابوه يخرج الجيب فجابوا معدة ثقيلة تخرج الدفاع المدني اللي جابوه يخرج البلدوزر اللي جابوه يخرج العربية النقل اللي جابوها تخرج الجرار اللي جابوه يخرج الجيب http://img442.imageshack.us/img442/8427/att00020v.jpg وكالعاااااااااااااادة وفي وسط محاولته لإخراج ال.... "مش فاكر هو كان بيخرج إيه بالظبط" http://img121.imageshack.us/img121/6927/att00021k.jpg المهم يعني غرز هو كمان http://img651.imageshack.us/img651/3521/att00022r.jpg فبقوا مضطرين يخرجوا المعدة الثقيلة اللي جت تخرج الدفاع المدني اللي جابوه يخرج البلدوزر اللي جابوه يخرج العربية النقل اللي جابوها تخرج الجرار اللي جابوه يخرج الجيب لا بجد انا تعبت اللي هيقولها لوحده ليه مني هدية فأخيرا ربنا هداهم لفكرة إنهم لازم كانوا من الأول يجروهم بجنزير من بعيد http://img706.imageshack.us/img706/2900/att00023.jpg والحمد لله خرجوا جميعا بعد شقاء ومعاناة http://img532.imageshack.us/img532/9712/att00024w.jpg وكانت دي النتيجة http://img202.imageshack.us/img202/250/att00025s.jpg نخرج بقى من القصة دي بإيه؟؟؟ إن أصحاب العقول في راحة |
رد: صاحبنا واخد مقلب في العربية الجيب بتاعته
موضوع قاتل جدا بجد مالوش حل شكرا ياباشا
|
رد: صاحبنا واخد مقلب في العربية الجيب بتاعته
والله فعلا ضحكت من قلبي ، الله ينور عليك، إنسان فعلا مبدع، وفي انتظار المزيد
|
رد: صاحبنا واخد مقلب في العربية الجيب بتاعته
ههههههههههههههههههه
والله فعلا اصحاب العقول فى راحة |
رد: صاحبنا واخد مقلب في العربية الجيب بتاعته
فعلا انا ضحكت بما فيه الكفايه
شكرا يا كروسير بس سؤال في خيالي كده عاوز اجابه اللاند كروزر وصلت للمكان اللي غرست فيه دا ازاي من غير ما تغرز بره في المكان اللي غرزت فيه العربيات اللي جات تنقذها؟؟!!!!!!!!!!!! |
الساعة الآن 09:49 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017