مصر موتورز مجتمع السيارات - الصوت العالى لموتور اللوجان 2012 بلاك لاين

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - الصوت العالى لموتور اللوجان 2012 بلاك لاين (https://www.masrmotors.com/vb/showthread.php?t=81079)

الصوت العالى لموتور اللوجان 2012 بلاك لاين

السلام عليكم ورحمه الله وبركاته
الحمد لله لقد اكرمنى الله عز وجل وإستلمت عربيتى الجديدة رينو لوجان 2012 بلاك لاين نبيتى
أنا إستلامتها وكان الكيلومتر بتاعها عامل 8 كيلو وانا مشيت بيها حوالى 100 كيلو
فارجو من السادة الافاضل أعضاء هذا المنتدى العظيم إفادتى فى الأتى :
1 - أنا لاحظت إن صوت الموتور عالى شوية ده كده عادى ولا كده فى حاجة مش مظبوطة
2- ولاحظت بردة إنها تقيلة شوية فى السحب خصوصا فى الغيار الاول والثانى هل ده عادى برضة ولا إيه
3- اتعامل مع الموتور إزاى هل امشى عادى بسرعات عالية ولا الموتور لسه بيلين لان فى بعض الناس قالو لى إن المواتير بتاعت الزيرو بتبقه متلينة جاهزة وإيه السرعة المناسبة للسيارة وهى لسه جديدة
4- انا مش لاقى فتحة للراديتيروعاوز أعرف بيتزود ميه منين

برجاء إفادتى فى هذه الملاحظات جزاكم الله عنا خيرا

رد: الصوت العالى لموتور اللوجان 2012 بلاك لاين

1- صوت الموتور مش عالي إلا لواحد متعود على عربيات هادية :)
الشكوى دي أنا سمعتها كتير ,,, بس شخصياً شايف إن صوت اللوجان - صحيح مقدرش اقول ملوش صوت - بس كمان مقدرش اعتبره عالي

2- طبيعي جداً العربية يكون السحب بتاعها ضعيف جداً في الأول ,, وهيبدأ يتزبط معاك بعد الـ1000 كمـ الأولى .. وهيزبط أكتر بعد 5000 كمـ
وعموماً ,, اللوجان معروف إنها مش عربية للجري ,, يعني لو إنت متعود على عربية من العربيات اللي بتجري هتحس بفرق السحب حتى بعد الـ 5000 كمـ :)

3- عادة العربية بتكون متلينة ,, بس ده ميمنعش إنك تحافظ عليها في أول 1000 كمـ ( السرعة لا تتتعدى 130 كمـ/ساعة ,, والـRPM لا يتعدى 2.5 ,, أو 3 بأقصى تقدير )

4- نصيحة متفكرش تقرب لسوائل العربية ,, كده كده صيانة الـ5000 التوكيل هيشيك على كل السوائل ,, وطول مانت ملتزم ومحافظ على العربية مش هتحتاج تزود السوائل بالمرة :)

يارب أكون قدرت افيدك

رد: الصوت العالى لموتور اللوجان 2012 بلاك لاين

اقتباس:

المشاركة الأصلية كتبت بواسطة Dr.Smile (المشاركة 626894)

الف شكر على المعلومة يا باشا وكتر ألف خيرك

رد: الصوت العالى لموتور اللوجان 2012 بلاك لاين

مليووووووون مبروووك وربنا يديك خيرها ويكفيك شرها
= صوت الموتور عالى شوية وده طبيعى
= السحب سيحسن بعد 5000 ك
= أمشى على سرعات قليلة لحد ما تعدى 1000 ك
= يوجد قربة لمياه الرياداتير ولكن مش بتحتاج تزود ميه وبيتعمل فى الصيانه الدورية

رد: الصوت العالى لموتور اللوجان 2012 بلاك لاين

اقتباس:

المشاركة الأصلية كتبت بواسطة ahmedawis (المشاركة 627232)

آمين يا رب إحنا وإنت وألف شكر على المعلومة