مصر موتورز مجتمع السيارات - تعطير صالون السيارة وبأقل تكلفة

مصر موتورز مجتمع السيارات (https://www.masrmotors.com/vb/index.php)

- كار كير مصر موتورز (https://www.masrmotors.com/vb/forumdisplay.php?f=222)

- - تعطير صالون السيارة وبأقل تكلفة (https://www.masrmotors.com/vb/showthread.php?t=28807)

رد: تعطير صالون السيارة وبأقل تكلفة

اقتباس:

المشاركة الأصلية كتبت بواسطة oO MiMo BoY Oo (المشاركة 204440)

فكرة جميلة وان شاء الله هجربها

عطر الله أيامك بالسعادة
وإن شاء الله تعجبك الفكرة

اقتباس:

المشاركة الأصلية كتبت بواسطة corsair (المشاركة 204441)

تسلم ايدك يا ابو حميد والله فكرة جميلة

بس انا عملت حاجة تانية

انا جيبت ريحة ببليه دواره زي بتاعت المسك وانتا خارج من الصلاه تلاقي واحد يحطلك علي ايدك شويه

انا بجيبها مركزه ومتركبه زي ما انا عايز

مع الحر الزيادة بيخلي الأزازه تعرق وتطلع الريحة اللي جوه انا جايبها كانت تقريبا ب 10 جنيه قاعده معايا في العربية بقالها 3 شهور ولسه فاضل اكتر من نص الزجاجه بس بتخلي ريحة العربية جميلة

الله يسلمك ويبارك فيك
وده فكرة ممتازة برضه
وكنت بعملها زمان ،،، كنت بجيب فواحه فخار صغيرة
وأحط فيها عطر خام " أسكلبشر بالتحديد "
وكانت ممتازة جداً

رد: تعطير صالون السيارة وبأقل تكلفة

الف شكر ليك علي الموضوع الجميل ده ، وعلي فكرة أنا رحت النهارده شارع الجيش وإشتريت الأسانس بس ملاقيتش التركيز العالي فجيبت التركيز المخفف " 222 " بريحة الفراولة وكانت ريحيتها جميلة ونفاذه جدا وقوية ، ومشيت علي الخطوات المكتوبة باظبط حتي نوع البخاخة جبتها الهلال ، ونظفت العربية وكنستها بالمكنسة ورشيتها وغطيتها وسيبتها ، وربنا يسهل وأشوف بكره النتيجة أيه ، بس إن شاء الله تكون حاجة كويسة ، وتريحني من وجع دماغ الفواحات ، أنا جيبت نص كيلو ب 15 جنية ، والبخاخة ب 3 جنية ، والسرنجة 20 مم ب 2.5 جنيه ، يعني تقريبا 20 جنية التكلفة كلها ، مليت البخاخة لآخرها بنص الكمية يعني ربع كيلو ، ورشيت العربية كلها من الأرض للسقف وجوه فتحات التكييف والفرش والأرض والسقف حتي الأبواب رشيتها والدركسيون وعصاية الفتيس وكانت الريحة شديدة جداً ، وبكرر شكري لحضرتك مره تانية وفي إنتظار المزيد .
د / خالد

رد: تعطير صالون السيارة وبأقل تكلفة

اقتباس:

المشاركة الأصلية كتبت بواسطة TELEBK (المشاركة 205015)

لا شكر على واجب يا دكتور خالد
إن شاء الله تطمنا وتقولنا أيه الأخبار

رد: تعطير صالون السيارة وبأقل تكلفة

بالمناسبة أنا نزلت النهاردة أشترى أسنسات
أكتشفت أن فيه أسنسات مائية برائحة البرفانات
زى كول ووتر وأسكلبشر .... أشتريت ثمن كليو كول ووتر
حشوف الأخبار أيه وأقولكم
على العموم لغاية دلوقتى الأسانس اللى بيستمر لمدة طويلة
المسك والخوخ ويليهم التفاح والياسمين
مع العلم أن أسعار الأسنسات مختلفة ...
يعنى الخوخ والتفاح أغلى أنواع
والمسك والعنبر أرخص والياسمين والفل والورد أرخص أيضاً

وأنا بشترى عرضت على صاحب المحل أن يكون فيه أسعار خاصة
لأعضاء مصر موتورز والراجل رحب
فقلتله أدينى ورقة على مطبوعاتك بالكلام ده
فقالى معندهوش ورق مطبوعات بأسم الشركة
وأدانى كارت المحل وكتب عليه بخط أيده
أسعار خاصة فقط لأعضاء مصر موتورز
أصحاب المحل واحد أسمه حامد والثانى أسمه حسن
واللى حيروح يقولهم أنا عضو فى مصر موتورز

" ومفيش مانع يفاصل برضه "
:):):):):)

المحل فى ميدان باب الشعرية
جنب جامع الشعرانى مباشراً

http://a7lashare.com//uploads/images...ebc5db3e6c.jpg

رد: تعطير صالون السيارة وبأقل تكلفة

بجد مجهود جميل وموضوع اجمل منك يااستاذ احمد ان شاء الله اجرب واقولك النتيجه