مصر موتورز مجتمع السيارات - تعطير صالون السيارة وبأقل تكلفة

اقتباس:

المشاركة الأصلية كتبت بواسطة hazem_khidr (المشاركة 204163)

بارك الله فيك يا احمد باشا
فكره جميله فعلا
ان شاء الله اجربها
لاني فعلا زهقت من المعطرات
انا دايما بجيب جليد الخرز او الورقه اللي علي شكل مركب او الشجره السوده
انما مع وقوف العربيه في الشمس لفتره بتنتهي علي طول مش بتستمر.
جربت قبل كده اجيب عطور زيتيه و ارش علي الدواسه لكن لم تستمر كثيرا.
اخر حاجه بعملها بجيب معطر بيتحط في الطفايه علشان تطفي فيه السجاير
ريحته حلوه و كل ما افتح الطفايه بيطلع ريحه
و انا مش بطفي فيها رغم انه مكتوب علي علبته يستحمل لحد 10 سجائر

إن شاء الله الفكرة تنجح وتعجبك
وجزاك الله خيراً أستاذ حازم على المرور والمشاركة

اقتباس:

المشاركة الأصلية كتبت بواسطة mahmoudnada80 (المشاركة 204177)

فكره رائعه
وشكرا علي المجهود

جزاك الله خيراُ على الإطراء والتشجيع

اقتباس:

المشاركة الأصلية كتبت بواسطة بدر بسيونى (المشاركة 204198)

فكرة عظيمة وفيه معطر باجيبه من بره نفس الفكرة بس انا لياسؤال التركيبة اللى حضرتك عالمها مش بتاثر على لون الفرش والسقف للانها بتترش بصورة مباشرة ؟وشكرا ليك موضوع مهم جدا

بارك الله فيك أستاذنا بدر بسيونى
والمعطر المستورد أنا جربت منه التركى وطلع مش قد كده
والسعودى اللى مكتوب عليه معطر الفراش براحة العود والمسك
وده بجد تحفه وبيستمر فترة طويلة
وبالنسبة لتأثير المعطر على الفرش والسقف فحتى الآن لا يوجد
أى أثر أو بقع لأنه فى الأصل أسانس مائى والفكرة كلها تتركز
فى نسبة الأسانس بحد أقصى 40 جرام إلى 500 جرام ماء
وأظبط البخاخ على الرزاز مش الرش المباشر

اقتباس:

المشاركة الأصلية كتبت بواسطة horas3000 (المشاركة 204206)

تسلم ايدك علي الموضوع الهايل ده
و في فكرة برضة انا كنت بعملها في عربيتي القديمة
مين فينا مبيحبش ريحة القهوة و البن
انا كنت بجيب كام حبة بن طازة و اكسرهم شوية و احطهم تحت الكراسي
و كانو بيعدوا شوية حلوين و ممكن كل ما تقل الريحة تكسرهم زيادة
و اهو منها تعطر العربية و تعمل دماغ خصوصا الصبح

فكره هايلة وأنا من هواة النسكافيه على الريق الصبح
وأبقى أجربها إن شاء الله

اقتباس:

المشاركة الأصلية كتبت بواسطة harphosh (المشاركة 204218)

فكرة رائعة نجربها بإذن الله وجزاكم الله خيراً

جزانا وإياكم وإن شاء الله الفكرة تعجبك

اقتباس:

المشاركة الأصلية كتبت بواسطة haytham r19 (المشاركة 204223)

تمام ... الله ينور - حنجرب ونشوف اية الريحة

بارك الله فيك ،،، وإن شاء الله تعجبك