العربيه بتسخن على السرعات مع التكيف فقط
السلام عليكم
كنت عملت حادثة و كل حاجة اتحلت من الحوض و صلحت العربية الحمد لله, فيرنا 1600 موديل 2007 ماشية 73000 , المهم بعد التصليح ظهر عيوب كثيرة منها السخونية على السرعات العالية مع التكيف فقط من اول سرعة 80 و انت طالع و اول ما اقفل التكيف العربية ترجع طبيعية حتى لو ماشى 160 من غير تكيف, و لو فى عز الحر و زحمة جوه البلد مع تكيف او من غير عمرها ما تسخن ابدا. المهم رحت للميكانيكى قالى نضف و سللك الردياتير , رحت عملت كدة و غيرت الغطه و الميه الخضرة و غسيل السربنتينة و الراجل قاللى الردياتير ذى الفل و مش محتاج تغيره ولا اى حاجة و لو سخنت تانى يبقى عيب ميكانيكة طلعت جربت لقيت نفس العيب, رجعت للميكانيكى كشف على المراوح شغالة سرعتين تمام و ثيرموستات الكوعة بتفتح و تقفل عادى و كله تمام , طب يا عم العربية زعلانة ليه, قال العربية مكتومة اوى و فعلا مفيش ضغط هوا طالع من العلبة الشكمان الخلفية رحت غيرت علبة الشكمان الخلفية و كشفت على الفرن و علبة البيئة و ضغط الهوا من ورا بقى قوى جدا و السحب بقى جبار , اطلع اجرب على المحور , قبل مخلصه تبقى العربية مولعة و المية فى القربة بتغلى و لازم اطفى التكيف عشان تبرد يا ريت حد يقولى اعمل اية ؟؟؟؟ خايف اغير ردياتير و اجيب الصينى الوحيد اللى فى السوق و العربية تسخن تانى ؟؟؟؟؟ و ناس تقول افصل التكيف السخن ؟؟؟؟؟ |
رد: العربيه بتسخن على السرعات مع التكيف فقط
اولا يا استاذى الفاضل التكييف السخن مش دى المشكله ثانيا اتاكد ان المراوح الاثنين بيسحبو هواء من خارج العربيه ... هل قبل الحادث كانت موجودة ولا لا وهل المراوح اتغيرت ولو اتغيرت صناعتها ايه
|
رد: العربيه بتسخن على السرعات مع التكيف فقط
المراوح بتجيب الهوا من بره العربية لجوا و دول الفبريكا بتوع العربية و قبل الحادثة مكنش فيه اى مشكلة
|
رد: العربيه بتسخن على السرعات مع التكيف فقط
الحادثه كانت فى اى جنب
|
رد: العربيه بتسخن على السرعات مع التكيف فقط
اقتباس:
|
الساعة الآن 04:24 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017