سلام عليكم الحقووونى افيدونى بسرعه ارجوكم
 

سلام عليكم اخوانى الكرام
بالامس كنت فى الحى العاشر مدينه نصر و ركنت السيارة مظبوط جنب الرصيف و بها زوجتى و ابنتى الصغيرة و كنت رايح اشترى حاجا من البقال و فتحت الباب عشان اطلع من العربية من غير ما ابص ورايا المهم لقيت واحد كان جاى جنبى كان حيشيل الباب و ربنا ستر محصلش حاجا المهم لقيته وقف بصتله و شاورتله بايدى يعنى معليش .....
و روحت البقال و و انا جاى من بعيد لمحت زوجتى برا العربية و الراجل ده بيزعق ....
المهم قولتله يا عم الحج فيه ايه بس قاللى انا موش حاج انا عميد فى المرور قولتله بزعيق طيب انتا بتزعق لمراتى ليه فى الشارع ؟؟؟؟؟؟ قاللى انا حوريك فى المرور و سابنى و مشى .....
المهم سالت مراتى قالتلى انها لقته جاى بعد انا ما مشيت اخد نمرة العربية خرجت و قالتله فيه ايه قالها البيه جوزك كتا حيخيلنى اخبط فيه و ما قلش انا اسف .. قالتله معليش جايز مخدش باله ... قعد يرعقلها و يقولها انا حعلمه الادب فى المرور ....
المهم سوالى الراجل ده ممكن يعمل ايه لو هوا فعلا عميد فى المرور مع انه كان لابس عادى يعنى و كان جنبه مراته و بنته برضه زيى بالظبط و عربيته نيسان صنى ....
و هل ممكن يدخلنى فى مشكله كبيرة لو هوا حاطنى فى دماغه و لا ايه ؟؟؟ ايه اقصى حاجا يقدر يعملها ؟؟؟
مع العلم انه لا يعرف اسمى و لا اى حاجا عنى فقط رقم العربية بتاعتى ؟؟؟؟ و انا ما اعرفش عنه اى حاجا ؟؟؟

فى انتظار ردكم
و جزاكم الله خيرا
و هل انا اقدر اعمل حاجا اتقى بها شر الناس ولاد الحرام اللى زى الراجل ده ؟؟؟

رد: سلام عليكم الحقووونى افيدونى بسرعه ارجوكم
 

للاسف رغم ان الشعب هوه اللى بيقبضه كل اول طلعة شهر مرتبه من الضرائب الا ان هوه وامثاله (الا من رحم ربى ) حراميه ومرتشين وعيشتهم كلها حرام فى حرام ولو حصل وعمل معاك حاجه كبيره
تعامل معاه كما يترائى لك

رد: سلام عليكم الحقووونى افيدونى بسرعه ارجوكم
 

يارب ارحمنا واحفظنا من شياطين الانس يارب العالمين
لا تخف وتعامل معاه بحرص
انت على حق فلا تخف
دائما الله مع المظلومين

رد: سلام عليكم الحقووونى افيدونى بسرعه ارجوكم
 

أظن انه مش عميد ولا حاجه ! لآنه لو كان كده كان خد النمر و خلاص !
عمومآ ربنا ينجيك منه لآنه لو عسكرى مرور و حطك فى دماغه ؟؟ ptmnlo123per1106
ممكن يبهدل الدنيا و على مدد طويله ! للآسف هيه دى مصر و كمان الدول العربيه كذلك !!

Dr. Bolbolan :waving:

رد: سلام عليكم الحقووونى افيدونى بسرعه ارجوكم
 

يا جماعه شكرا على الردود بس انا عاوز اعرف الراجل ده ممكن يعمل ايه اقصى حاجه يعنى هل ممكن يدخلنى السجن او يلبسنى قضيه و لا ايه اانا فعلا قلقان جدا ... ايه اقصى حاجا ممكن يعملها ؟؟؟