مصر موتورز مجتمع السيارات - مأساتى فى تجديد رخصة عربيتى

طبعا كلنا عارفين ان مشوار المرور بتاع التجديد اواى حاجة تانية بيبقى تقيل جدا على قلب اى حد فينا ولكن المضطر بيركب الصعب .http://www.masrmotors.com/vb/images/...AD96%7E139.GIF
المهم انا رخصة عربيتى انتهت اول الشهر . فخطفت يوم كده الاسبوع اللى فات قولت انجز فيه وميكونش يوم سبت وقمت واخد بعضى يوم الاتنين اللى فات وطالع على المرور وهو مرور العجوزة ( طبعا غنى عن التعريف ) ونظرا لان اليوم فى وسط الاسبوع كان فاضى الى حد ما .
ودخلت المرور برجلى اليمين http://www.masrmotors.com/vb/images/...8A1D%7E146.gif وسميت الله ودخلت على النيابة وطلعت المخالفات ودفعتها وفوقيهم 5 ج رسوم خدمة مميكنة . ( وماله ) المهم الواحد يخلص .انا دفعت حوالى 300 ج منهم 150 ج فاميه فى يوم 15-3-2011 وطبعا اللى يركز فى التاريخ هيلاقيه انه فى عز الثورة وطبعا مكنش موجود اى حد من المحترمين بتوع المرور فى الشارع فى الفترة دى وكمان اصلا مكنش فى حد بيخرج من بيته وسألت بتاع الخزينة قولتله ازاى يعنى مخالفه زى دى وفى التاريخ ده قالى انا معاك ولكن اهى الحكاية كلها نصب . قولتله ماشى ياعم النصب . وتقريبا كل اللى كان معايا بيدفع المخالفات كان بيتحسبن عليهم لانها مخالفات غريبة جدا . وطبعا عشان تعمل تظلم تقوم دابب مشوار لحد مرور الدراسة وتقدم التظلم ويردوا عليك بعد يومين ( ده اصلا لو ردوا ) فانا اخدتها من قصيرها ودفعت وقلت الحق الشباك ولما جيت رايح على الشباك لقيت ورق كتيييير فى كل حتة بيقول ان تم تحويل المواطنين الساكنين فى الوراق وامبابه الى مرور الوراق . وطبعا لانى من سكان امبابه فرحت وقولت ده لسه جديد وهيبقى فاضى وميه ميه وعسل والحياة حلوة وانا وانت :danceW7:.
وهوب قمت طالع على مرور الوراق وكانت الفاجعة http://www.masrmotors.com/vb/images/...AD96%7E139.GIF
طوابير يا معلم من اللى قلبك بيكرهها وناس على بعضها والشمس زى ماتقول فى عز الصيف والمرور مكشوف ولا شماسة ولاضليله ولا حاجه خالص .MAD
المهم عصرت لمونة على نفسى ودخلت سالت يا جماعه انا جاى من العجوزة وقبل ما اكمل قالولى ادخل افحص العربية:fun_36_1_4[1]: :pty: قلت يا نهار ابيض ده انا لسه الفحص بتاعى السنة الجاية قالولى عشان نعملك ملف لازم تفحص . طيب ليه يا جماعة متبعتوش تجيبوا الملف من هناك . قالولى هو ده النظام . وقد كان .:sd:
طبعا انا اتعكننت اخر عكننة واللى زود العكننة ان الفحص عند البهوات بيقفل الساعة 12 الظهر والساعة كانت 12.3 واصلا كان الطوابير على الفحص بتاع 50 عربية او اكتر . طبعا لانى انا مكنتش لوحدى ده انا معايا بقيت الناس المترحلين من العجوزة وده اللى انا مكنتش فكرت فيه خالص.
قولت اعمل محاوله كده فى مرور العجوزة احاول ارخص سنة واحدة لغاية الفحص ورجعت للعجوزة تانى ودخلت على رئيس الوحدة وقالى مينفعش ولكن للاسف فى حد هناك قالى ينفع ولكن ب 150 ج . ( البلد هى هى ) . انا استحرمت وقولت اروح مرة تانى على الوراق بس اكيد فى يوم تانى لان الوقت خلاص ازف .
ويوم السبت روحت على المرور وقولت افحص ودخلت وفحصت طبعا بعد معاناة (مش عاوز اطول عليكو) وبعدين طلبوا منى اطابق بصمة فى العجوزة قمت واخد بعضى وطالع على هناك وكنت مفكر ان الموضوع سهل لقيته بيقولى ده انت هتفحص تانى عندى:k_crying77[1]: :pty: ( ياليله سوخه ياولاد ) بقى انا كنت مستتقل الفحص الواحد طب ادينى هفحص فحصين وطبعا رضخت للامر الواقع ووقفت فى طابور الفحص فى العجوزة وبعد حوالى 1.3 ساعة قالولنا ان الفحص الحمد لله قفل :danceW7:وقمنا واخدين بعضنا كلنا وروحنا وقفانا يقمر عيش .
وفى انتظار يوم اجازة اخر من الشغل غير يوم السبت لتفادى الزحمة وربنا يسهل .
انا ليه بعض الملاحظات : -
1 - ليه لما الحكومه عاوزة تخف الضغط عن مرور تروح فاتحة واحد تانى فى اى منطقة وتودى المواطنين اللى تبعه هناك ( مفيش اى مشاكل ) طيب ليه هما ما يرخصوش للعربيات اللى لسه معاد فحصها مجاش ( يعنى لو حد فاضله سنة زى حالاتى كده )وبعدين يبقى يتعامل مع المرور الجديد .
2 - ليه هما مينقلوش الملفات للمرور الجديد طالما اخدوا القرار بنقل العربيات هناك .
3 - ليه الواحد يفحص فحصين فى يوم واحد مع ان الاجراءات هى هى ومطابقة البصمة لا تستدعى الفحص طالما انى لسه واخدها دلوقتى ( باين من التاريخ ) فى المرور الجديد واكيد هى موجودة فى الملف بتاعى يبقى ليه هما ما يطلعوش الملف ويبصوا عليها ويطابقوا ونخلص .
لازم يطهقوا الناس اكتر ماهما طهقانين والله العظيم حرااااااااااااااااااااااا ام .
والمشكله ان الواحد لو يعرف واسطة كل حاجة هتتحل وكل اللى مينفعش هينفع وكل الطوابير هتستناه وكمان لو الواحد مزة يا سلام كل حاجة بتنفع.:fun_36_3_9[1]:
والسلام ختام وسنوافيكم بالجديد.