مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   تجارب اﻷعضاء (https://www.masrmotors.com/vb/forumdisplay.php?f=178)
-   -   معرفة اي حاجه عن تركيب السيراميك (https://www.masrmotors.com/vb/showthread.php?t=66955)

حمدي 84 29-03-2013 12:53 PM

رد: معرفة اي حاجه عن تركيب السيراميك
 
اقتباس:

المشاركة الأصلية كتبت بواسطة magdy_c_c (المشاركة 863974)
موضوع مميز
:GROWIN~12::GROWIN~12:

اشكرك علي مجاملة حضرتك وبارك الله فيك

حمدي 84 29-03-2013 01:05 PM

رد: معرفة اي حاجه عن تركيب السيراميك
 
اقتباس:

المشاركة الأصلية كتبت بواسطة momen_bondok (المشاركة 864224)
السلام عليكم ورحمه الله وبركاته
كيف الحال يا شيخ حمدى
انا كنت بستسمح حضرتك توضح الفرق بين الفرز الأول والثانى والثالث فى السيراميك
ليس الفرق فى الاسعار إنما فى الجودة والعيوب ... الى اخرة
وجزاك الله خيراً

وعليكم السلام ورحمة الله وبركاته الحمد لله في نعم الفرق بيكون علي حسب نوع البلاط بمعني ان كليوبترا والجوهره ورويال ارت مثلا دي شركات كويسه هات الفرز الثالث وانت مغمض مش الثاني لا العيب بيكون في بعض البلاط وليس كله يعني ممكن تطلع من المائة متر مثلا متر واحد وعيوب بسيطه كان تكون شطف بسيط في زاوية بلاطه ويمكن علاجها اما باخذها في الغلايق او في مكان غير ظاهر والسقيه بتداري هذه العيوب فيه شركات اخري مثلا مارينا الروك الامير مثلا الفرز الثاني بيكون العيب واضح مثلا فرق في درجة اللون لو البلاطه مرسومه بتكون جزء من الرسمه ممسوح وطبعا سعر الثالث في الشركات الاولي بيعادل الاول في الشركات الثانيه اوكثر

حمدي 84 29-03-2013 05:01 PM

رد: معرفة اي حاجه عن تركيب السيراميك
 
اقتباس:

المشاركة الأصلية كتبت بواسطة جى جى 4 (المشاركة 864256)
اشكرك على المجهود الرائع
وارجو افادتى عندى مكان حوض المطبخ 130 سم ومحكوم بجدارين عاوزه اشيل الحوض الاستنلس واجيب حوض كبير وبدل الرخامه اعمله سيراميك ذى مسلسل فاطمه فى مطبخها متبلط بالسيراميك الاحمر بس المشكله انى مش عارفه ممكن السيراميكيوضع على ايه

الشكرلله انا بصراحه معرفش المسلسل اصلا لكن متخيل الوضع وخصوصا بعض المعارض بتعرض المطبخ بنفس الطريقه الموضوع سهل وله اكثر من طريقه اما عن طريق وضع رف خرساني وعمل وضع مكان للحله وتبليطه واما عن طريق رخامه ايضا وتبليطها وبيكون لها قائم او مريا بالسمك المطلوب ارجو ان تكون الفكره واضحه

حمدي 84 29-03-2013 05:05 PM

رد: معرفة اي حاجه عن تركيب السيراميك
 
اقتباس:

المشاركة الأصلية كتبت بواسطة ابوشروق (المشاركة 864632)
السلام عليكم ورحمة الله وبركاته
جزاك الله خير
أخى حمدى
الله ينور عليك

وعليكم السلام ورحمة الله وبركاته وخيرا جزاك الله والله حضرتك اللي منور الموضوع والموقع كله واشكرك علي مشاركة حضرتك وربنا يديم المعروف والمحبه

حمدي 84 29-03-2013 10:19 PM

رد: معرفة اي حاجه عن تركيب السيراميك
 
اقتباس:

المشاركة الأصلية كتبت بواسطة مالك مصطفى (المشاركة 864754)
السلام عليكم .. لو سمحت عايزه حد يساعدني ضروريييييي في تركيب السيراميك لما رحت اشوف الشغل الي اتعمل في الحمام لقيت العامل ماعملش الشطفه 45 الي بتبقى عند حافة العمود ياترى ينفع تتعمل بعد السيراميك ماركب و ايه الحل

وعليكم السلام ورحمة الله وبركاته بالنسبه للمساعده فانا تحت امر حضرتك موجود الايميل ورقم التليفون في بداية الموضوع لكن بدل 015 هتكون 010 واما عن الشطف دي له علاج ممكن الصنايعي يشتال ناحيه ويشطف الاخري اللي راكبه ويشطف اللي شالها ويركبها مره اخري لكن لا ارجح هذا الحل لعدة اسباب اهمها انه يعقد الصنايعي شويه وبالتالي عايزه واحد كويس وعنده صبر علشان اللي هيشطفها وهي راكبه وكما الشطف مش عملي لان البلاطه بتكون ضعيفه وصعب وصول المونه له وبالتالي بيكون معرض للكسر من الزاويه بسهوله ولو انه عملي لكانت الشركات نزلت بلاط مشطوف جاهز لكن تلاحظ ان احد جوانب البلاطه بيكون عليها طبقه من الصيني يعني زي وجه البلاطه علشان تركب في الزاويه وطبقة الفخار متظهرش الان نزل زوي جاهزه منها البلاستيك ومنها معدن وفيها جميع الالوان والاشكال وثمن الزاويه عشره جنيهات لكن علشان متعقديش الصنايعي ممكن تاتي بزاويه المونتال تركب علي السيراميك من بره لان الصنايعي المفروض يستفسر عن نوع الشغل لو الزوايا مش كثير ممكن يكسر ناحيه ويفرغ مكان الزاويه البلاستيك ويركبها لو استصعب الامر لا تضغط عليه لان الشغل هيكون مش كويس وربنا يوفقك


الساعة الآن 05:55 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017