مصر موتورز مجتمع السيارات - بيان على المعلم للتعامل مع الموطنين فى احد اكمنة الشرطة

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

بيان على المعلم للتعامل مع الموطنين فى احد اكمنة الشرطة

طبعا زي ما كلنا بيقول السلبيات اللي الشرطة بتعملها فى المواطنين يجب ان نقول الايجابيات حتي و ان كانت من المفترض ان تكون هي الشئ الطبيعي فى التعامل و لكن بما اننا لم نتعود على ذلك فا اليكم هذه التجربة
المكان : مدينة الاقصر
الزمان : 22 / 8 / 2011 الساعة الواحدة صباحا
التفاصيل عربيتي عشان اتنقلت الصعيد من فترة قريبا و ما ادراكم ما الصعيد و الشمس و درجة الحرارة ركبت فاميه مع اني مش من محبيه بس اعمل ايه الشمس ظبتني الكمين كان فيه كمية لا بأس بها من السادة الظباط من مختلف الرتب و الانتمائات من نقيب الى لواء

ظابط برتبة نقيب : مبتسما حمدلله على السلامة ممكن استاذنك فى الرخص
العبد لله : الله يسلمك اتفضل
ظابط برتبة نقيب : ممكن استأذن حضرتك تركن على جنب و تشرفنا
العبد لله : من عيني
ظابط برتبة نقيب : حضرتك عندك مخالفة فاميه و حضرتك عارف الاجراء المتبع اني اسحب الرخص ممكن حضرتك تشيل الفاميه و انت واقف و تأخذ الرخص حالا
العبد لله : مش ممكن ادفع غرامة فورية
ظابط برتبة نقيب : لا للاسف بس الموضوع مش هايأخذ 10 دقائق بدل سحب الرخص و الدوخة و راهم و الفحص و اللي انت عارفه
العبد لله : حاضر
المهم اثناء قيامي بازالة الفاميه سمعت اللواء الواقف فى الكمين بيقول للظابط هات رخص العربية الماتريكس رد عليه الظابط و قاله لسه يا فندم بيشيل الفاميه اللواء قاله الراجل شال الباب اليمين و شغال فى النحية التانية خاليه يمشي و يكمل الباقي و فعلا اللواء اخذ الرخص من الظابط و جه بيهم لغاية العربية و سلمني الرخص بنفسه و طلب من استكمال ازالة الفامية بقمة الزوق و الاحترام طبعا الموضوع مش محتاج كل اللي انا عامله ده و المفروض ان ده يكون هو اسلوب التعامل من زمان و لكن بما اننا لم نتعود على ذلك يصبح هذا الوضع ايجابي الي حد بعيد و دمتم بكل الخير مراسلكم من الاقصر عمرو محمد

رد: بيان على المعلم للتعامل مع الموطنين فى احد اكمنة الشرطة

فعلا ده الطبيعى انه يحصل بس لانه مكانش بيحصل يستحق انه يكتب يقراى

اشكرك على المشاركة ويارب يدوم الحال من افضل الى افضل ROSE4U

رد: بيان على المعلم للتعامل مع الموطنين فى احد اكمنة الشرطة

حمد الله على السلامه ياباشمهندس عمرو اخبار الاقصر ايه فى الحر ده ربنا يكون فى العون.......

والله يأخى ياريت التعامل بين الناس كلها يكون بالشكل ده ....الاحترام المتبادل وكل واحد ياخد حقه....

رد: بيان على المعلم للتعامل مع الموطنين فى احد اكمنة الشرطة

حمد لله على سلامتك للراجل ال مبيسالش
فى حل تانى اوفر اشترى شمسات بتتفك وتركب يا ريس

رد: بيان على المعلم للتعامل مع الموطنين فى احد اكمنة الشرطة

اقتباس:

المشاركة الأصلية كتبت بواسطة koashraf (المشاركة 500483)

القبطان اشرف تحياتي الله يسلم حضرتك بالنسبة للحر عال العال المفروض اتحرك غدا ان شاء الله على القاهرة بس ادعي لي عشان ازمة البنزين