مصر موتورز مجتمع السيارات - الاسكندرية

اقتباس:

المشاركة الأصلية كتبت بواسطة semovic (المشاركة 563304)

السلام عليكم
كنت عايز اسأل لو معايا عربية و عايز اروح دريم بارك. من الاسكندرية اطلع علي الصحراوي و بعدين ؟؟ سوقسوق
عسان انا معرفش حاجة لا في اكتوبر ولا القاهرة :k_crying77[1]:

و شكرااا

اقتباس:

المشاركة الأصلية كتبت بواسطة فادي مكرم (المشاركة 563329)

ايوة ايوة انا كمان عاوز اعرف الطريق
انا اعرف اوصل لحد بوابة القاهرة

اقتباس:

المشاركة الأصلية كتبت بواسطة memodina1 (المشاركة 563355)

والله الموضوع دا خانقنى جدا لانى كذا مرة عايز اروح انا وعيلتى اخاف اتوه واليوم يضيع فى السؤال

ايه يا جماعه الطريق سهل جدا وانتو جايين من اسكندريه بعد ما تعدوا البوابات تفضلوا ماشيين على طول وبعدين تخشوا اول يمين (محور 26 يوليو) وتمسكوا الحاره الشمال عشان متدخلوش مدينة الشيخ زايد تفضلوا ماشيين طوالى لحد ميدان جهينه (اول ما توصلوله هتعرفوه ) وبعدين تدخلوا شمال مع الصينيه وتاخدوا الشارع ده لاخره هتطلعوا على طريق الواحات وبعدين تاخدوا اول يوترن وتفضلوا ماشيين فى الطريق هتلاقوا يفطه كبيره مكتوب عليها ميدان الرمايه على طول والدائرى اول يوترن هتاخدوا اليوترن وكانكم طالعين الدائرى هتلاقوا الدائرى على يمينكم تسيبوه وبعدين هتلاقوا مدخل دريم لاند ودريم بارك بعد حوالى 200 متر من مطلع الدائرى وحمد الله على السلامه