|
بسرعه يا شباب ضروري جدا
بعد احلي صباح علي رجالة مصر موتورز
اشتريت عربية مرسيدس e200 موديل 1996 و معنديش خلفية عن الزيت المناسب ليها ممكن حضراتكم تساعدوني ؟ و الف شكر |
رد: بسرعه يا شباب ضروري جدا
طبعا حسب حالة الموتور وكمان تاريخ الصيانات والنوع اللى كان بيستخدم قبل كدة بس الطبيعى فى عمر المحرك وحسب النوع تستخدم زيت معدنى Synthetic 5w40 , وهتحتاج حوالى 5 ونص لتر وتغيرة كل 10 - 15 الف كم
http://www.shell.com/motorist/oils-l...w-40-high.jpeg |
رد: بسرعه يا شباب ضروري جدا
ربنا يخليك يا ابو نورا و ما نتحرمش من اهتمامك بينا هكذا عهدنا بك منذ سنوات
يعني حضرتك 5w40 ده مناسب للموتور . انا الموتور عندي كويس بس انا معرفش حاجه عن الصيانات القديمة و الزيت اللي كان بيتحط فيها بصراحه هل حضرتك ترشح ماركة معينة شل او موبيل مثلا ؟ |
رد: بسرعه يا شباب ضروري جدا
ويخليك لينا يا حسام ,, بص يا صديقى الزيوت بتتصنع بمواصفة هندسية قياسية ايا كان نوعها وده الاساسى فى علاقة الزيت بالمكنة بعد كدة فيه تحابيش بتختلف من شركة للتانية يعنى مثلا واحد القولون عندة تعبان اكل كشرى من التحرير او كشرى الزعيم هيجيلو انتفاخ فى الحالتين ده كشرى وده كشرى او زى العسل كدة تخش محل يقولك عشرتاشر نوع عسل اشى عسل موالح وعسل برسيم وكله عسل فى الاخر هى الزيوت كدة بنتكلم عن زيت نصف تخليقى 5w40 هو المناسب فكلة زى بعض فى الاساسيات وده اللى بتسمى base oil
اما الاختلافات فتبقى بس واحد بيحط اضافات Oil additives وبناء على مجموع عموامل السعر والجودة والاضافات بنفضل زيت شيل التخليقى اللى حطيتلك صورته ده تبقى عملت مع المكنة احلى واجب وممكن الاصفر كمان لو عايز توفر بس مش شايف التوفير كبير الاهم مواعيد الزيت ونظافة فلاتر الزيت والهواء او بالاصح تغييرهم لكن تحط زيت غالى وتكسل تغير الفتر يبقى معملناش حاجة |
رد: بسرعه يا شباب ضروري جدا
و الله انت زي العسل ... و اسلوبك ماشاء الله عليه
تحياتي لسيادتك ... هغير باذن الله شل هيلكس من وشك و اكيد هيبقي فوق الممتاز بشوية زي اخلاقك الكريمه |
| الساعة الآن 04:06 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017