عضو جديد فى ملاك البرايد و عندى شويه اسأله
 

سلام عليكم
انا اشتريت من فتره بسيطه لزوجتى عربيه كيا برايد مو 2000 - اوتوماتيك
فعندى شويه استفسارات
العربيه بتنقط زيت - منطقة التسريب مش واضحه بالظبط بس هو بينزل من جانب الموتور من ناحيه الصالون
الميكانيكي لما روحتله قالى اغسل الاول بس هى غالبا من اويل سيل الكرنك
فسؤالى هل اويل سيل الكرنك تغيره بيتطلب اننا نحل الموتور

ثانيا الموتور لما بوصل ل RPM اكبر من 4000 بيطلع دخان ابيض (حرق الزيت) ده معناه ان الموتور خفيف شويه - هل محتاج طقم شنبر دلوقتى و لا لسه شويه

ثالثا انهو افضل اعمل طقم شنبر و لا اشترى موتور استيراد - و كام تكلفة ده و تكلفة ده
و مين افضل ميكانيكي موثوق فيه يعملى طقم الشنبر ده

رد: عضو جديد فى ملاك البرايد و عندى شويه اسأله
 

وعليكم السلام ورحمة الله وبركاته

زى ما قالك الميكانيكى لازم تغسل العربيه وتظبط مقياس الزيت وبعدين نبداء نلاحظ التغيير مع المشاوير او مع ركن العربيه

لو تعريق سيبه عادى فى البرايد يبقى فيه تعريق من جوان وش السلندر غالبا
بس لو تنقيط فعلا هتلاقى كمان بقعه على الارض ونقصان فى الزيت وطبعا افضل تتحل بسعره
والحل والاخبر اليقين مش هيجي غير بحل الموتور
ولما تحل الموتور المرة ديه هتقدر تقيم حالته وتنظفه وتقرر مع الميكانيكى يمشيك قد ايه قبل ما تحتاج تعمرة او تغيره
بالنسبة للتكاليف مقدرش اديك ارقام دقيقه بس الاكيد ان العمره لو اتعملت صح هتبقى اوفر واقل صداعاً من تغيير موتور واثباته فى الرخصة

وبالنسبة للاماكن انا وباقى الزملاء حطينا فى رابطه مالكى الكيا برايد ومواضيع قسم البرايد عناوين وارقام ميكانيكية كتير مقدرش اضمن غير اللى اتعاملت معاهم فى عين شمس (محمد وشنوده ) وفى قطع الغيار الجندى فى جسر السويس وفرع شارع دمشق فى روكسى

رد: عضو جديد فى ملاك البرايد و عندى شويه اسأله
 

لو تقصد محمد و شنوده اللى فى جراش عين شمس - فانا روحتلهم فعلا بناء على ترشيح حد فى المنتدى
هو اللى لفت نظرى لان الموتور خفيف شويه و قالى حتحتاج مستقبلا الى طقم شنبر و قالى تتكلف 4 الاف جنيه المصنعيه بالبضاعه بكله - انا شايف 4 الاف كتير اوى علشان كده سألت سعر الموتور استيراد كام اساسا
بس هو عمل حركه ماعجبتنيش - كان عندى بلى عجل فجابلى بلى من المحل اللى جنبه و لاقيته هو بيركبه بالدق مش كبس
فقولتله مش المفروض ده بيتكبس عند خراط (زى مابرضه - لاقيته بيتوهه معايا فى الكلام و بيقولى اللى هو بيعمله ده الصح !!!
فمش عارف ثقتى فيه اتهزت بعد الحركه دى - فهل بعد ده استأمنه على طقم شنبر ؟