معايا جواب معاقين ورايح بور سعيد اشترى
 

معايا جواب معاقين ورايح بور سعيد اشترى ..
عايز اعرف اسعار لانوس 1 أونوبيرا 1 هناك

رد: من فضلكم
 

صلى النبى
انا رحت من شهر وجبت من هناك الحمد لله
اولا لازم تاخد حد معاك يشوف عربية كويسة
اللانوس قليلة هناك والموجود منها تعبان
وموجود بردو جوليت زي اللانوس واحسن وارخص وممكن تبدا من 20
بس خلى بالك من البارومة اللى في العربيات
انا جبت نوبيرا 2 ومفيش نوبيرا 1
العربية على حسب الحالة
ممكن تلاقى 99 اغلى من 2001 بس حالتها حلوة وانت ونصيبك
اللى ممتاز هناك دلوقي الماتركس وسعرها من 37
او36 حسب الحالةوربنا يوفقك وابقى طمنا

رد: معايا جواب معاقين ورايح بور سعيد اشترى
 

ربنا يوفقك فى الشراء حاول تاخد ناس كتير معاك علشان مينصبوش عليك ولف كتير ومتديش كلمة لتاجر الا لما تطلع عينه

رد: معايا جواب معاقين ورايح بور سعيد اشترى
 

السلام عليكم
انا رحت من حوالى شهرين وجبت نوبيرا 1 موديل 1997 بحوالى 24000
وده غير الرش وخلافه وحتصرف الف كمان مش فاكر بالضبط
حاول تبص على العربيات الى لسه بترابها من المينا ميكنوش لحقوا يغيرو او رشو اوخدوا منها حاجة وده الى كنت بدور عليه وكمان ميكونوش لعبوا فى العداد علشان تبقى عارف مشيت كام كيلو بالظبط
وعايز اقول ان اللانوس والنوبيرا قليله اوى وحتتعب علشان تلاقى حاجة نظيفة وانت وحظك لو لسه فيه حاجة نازلة من المينا من اللانوس او النوبيرا
وبالتوفيق ان شاء الله:fun_36_3_12[1]::fun_36_3_12[1]::THE_PR~18:

رد: معايا جواب معاقين ورايح بور سعيد اشترى
 

شكرا لكم جميعا أخوتى على هذه الردود بارك الله فيكم..
ممكن طيب اعرف ايه الاجراءات اللى هاعملها هناك بالظبط من أول ما أوصل لبور سعيد وأقدر أعرف الورق هيخلص فى كام يوم هناك .أنا من قنا وبصراحة مش عارف الاجراءات.
لو الواحد معاه 21000 يجيبوا حاجة كويسة ..