عايز أشترى عربية دايهاتسو سيريون وان 1000 سى سى ايه رأيكم فيها؟
 

أطلب النصيحة من السادة أصحاب الخبرة فى السيارات فى السيارة سيريون وان هل هى صنعت فى اليابان كما يقول الوكيل وما مدى تحملها وشكلها؟ يعنى كل حاجة عنها وشكرا

رد: عايز أشترى عربية دايهاتسو سيريون وان 1000 سى سى ايه رأيكم فيها؟
 

يعنى انا معرفش كتير عن العربية و عمرى ما ركبتها بس اعتراضى عليها انو محركها 3 سيلندر, و ده ليه عيوب كثيرة, رغم انو بيدى عزم و قوة أعلى قليلا, و وزنه اخف, الا ان عيوبه كالأتى :
- ارتفاع فى استهلاك الوقود.
- عمر افتراضى أقل.
- توازن أقل للأجزاء المتحركة فى المحرك, و بالتالى سرعة قصوى أقل من المعتاد فى محركات ال4 سيلندر.

يعنى لو انت عاجباك العربية نفسها, حاول تجيب نفس العربية بمحرك اكبر 1300 سى سى مثلا يكون 4 سلندر.

رد: عايز أشترى عربية دايهاتسو سيريون وان 1000 سى سى ايه رأيكم فيها؟
 

مش برشح اي عربيه اقل من 4 سلندر
علشان موضوع التوازن دا زي ما المهندس فادي بيقول دي نقطه
و النقطه التانيه علشان بيبقي عمره قليل فعلا
هات البونتو كلاسيك افضل ليك

رد: عايز أشترى عربية دايهاتسو سيريون وان 1000 سى سى ايه رأيكم فيها؟
 

سؤال من فضلك يا بشمهندس

ازاي عشان العربية 3 سلندر هتدي عزم وقوة اعلى ؟ وارتفاع في استهلاك الوقود ؟

يعني حضرتك تقصد ان العربية لو 1000 سي سي برضو بس 4 سلندر هيبقى عزم اقل واستهلاك وقود اقل ؟؟؟

انا معرفش المعلومه فنيا ... بس منطقيا بفترض العكس

رد: عايز أشترى عربية دايهاتسو سيريون وان 1000 سى سى ايه رأيكم فيها؟
 

ال 1000 سي سي علشان تيجي علي 3 سلندر
لازم يبقي حجم البستم اكبر من لو حيبقي علي 4 سلندر
يعني غرفه الاحتراق اكبر و بالتالي حتستهلك وقود اكتر
و قوته حتزيد عموما علشان حجم البستم بقي اكبر ومشواره اقصر
دا اعتقادي