للخبراء واهل الثقة ... افيدونىىىىىىىىى
 

معايا عربية مازدا 323 موديل 82
العربية ظهر فيها عيب خطير جداااا كان هايهدد حياتى اكتر من مرة

العربية بتعوم بطريقه خطيرة جداااااااااااا على السرعات البطيئة حتى
ولو حصل ودخل يادوب نقرة بسيطة الاقى العربية تحدف يمين وشمال اكنها مركبة بالظبط

اما بقى لو حصل ودخلت فى ارض عليها رملة او حصى صغير او مياه الاقى العربية اكنها بتتزحلق مع نفسها وبسيطر عليها بصعوبة

وديتها عند 2 عفشجية

الاول قالى ان الشاسيه فيه لحمات مفكوكة ولازم تتعمل وان دراعات الاسكاتره لازم تتخير وجلب المقصات كمان
غيرتهم وعملت اللحمات الى قال عليها

العيب فضل زى ماهو بكل اسف ولم استفيد غير انى دفعت فلوس سواء قطع غيار ( مش مشكله اهى اتحطط فى العربية ) المصنعية ( مبالغ فيها جداااااااا ) ربنا ياخدلى حقى منه ويعوضنى لو كان ضحك عليا

تانى عفشجى قالى ان الاسكاتره نفسها عاوزلها جلب داخليه وتتشحم كمان

العيب زى ماهو

مش عارف اعمل ايه تانى بجد والاهم ان انا محتاج العربية فى مشاوير كتير وسفر كتير لزوم الشغل ونفس الوقت وانا سايقها بكون خاييييييييف جدااااااااااااا واعصابى مشدودة ولما انزل منها اكنى كان عليا ضغط عصبى هائل


افيدونى افادكم الله

العيب ده ممكن يكون من ايه ؟

رد: للخبراء واهل الثقة ... افيدونىىىىىىىىى
 

حاول تتأكد أن البلى بتاع الفرد الأماميه

مبيلعبش داخل ركب الفرد ومشحوط كويس

وفى نفس الوقت

أطمن على بطاحات الركب الأماميه ( تكون سليمه )

رد: للخبراء واهل الثقة ... افيدونىىىىىىىىى
 

اولا اشكرك للهتمامك وردك وكفاية انك تعبت نفسك وردت
ثانيا ماعنديش ادنى فكرة عن اللوغارتمات دى

انما الى فهمته منك انى لما اروح للعفشجى اقوله يكشف على الحاجات دى صح ؟؟؟
وشكرا مرة اخرى

رد: للخبراء واهل الثقة ... افيدونىىىىىىىىى
 

ولا لوغريتمات ولا حاجه

بالنسبه للعب البلى جوه الركب

ممكن ترفع العربيه من قدام بنفسك

وتحاول تختبر لعب الفرده بأيديك

بسحبها للداخل والخارج

وبالنسبه للبطاحات

لو رفعت الكبوت

حتقدر تكشف على شكل الكاوتش بتاع كل بطاحه من داخل الحوض

أعلى كل ركبه أماميه

رد: للخبراء واهل الثقة ... افيدونىىىىىىىىى
 

أهم شىء كمان

تكون غيرت بارات الطرف ( إللى فى نهايات أتياش الأسكترا برضه )

وفى نفس الوقت

تكون مطمن أن مفيش بوش فى بيض الدركسيون هو كمان

لأن كل دى أمور تخللى العربيه تعوم معاك من أى مقاومه ممكن تحصل على أى فرده

بالأضافه لما هو مذكور سابقا

____________________

لو فيه حاجه مش واضحه قولى عليها