مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   عالم تأمين السيارات (https://www.masrmotors.com/vb/forumdisplay.php?f=61)
-   -   حكايتى مع التأمين...و النصب العظيــم ! (https://www.masrmotors.com/vb/showthread.php?t=20573)

Dr. Bolbolan 21-02-2010 05:36 PM

رد: حكايتى مع التأمين...و النصب العظيــم !
 
اقتباس:

المشاركة الأصلية كتبت بواسطة خالدخليفة (المشاركة 138652)
fبدون ذكر احاديث دينيه ليه يادكتور ده انا بحبك من غير م اشوفك ياراجل هو مش النبى قال
المؤمن كيس فــــطن وقال
الحكمة ضالة المؤمن
هيا مش دى احاديث تنطبق هنا من سياق الردود وبجزء بسيط جدا من الفطنة تقدر تعرف الحقبقة فين
وانت اثرت الموضوع بحكمة ليه بقى تطلب عدم ذكر احاديث دينيه
طبعا انا فاهم قصدك انت مش عايز احاديث بتتكلم عن حسن الظن والكلام ده على اساس ان الحقيقة باينة
ماشى بس تحدد مش ترفض الاحاديث كلها اشكرك لسعة صدرك

ربنا يعمر بيتك يا أستاذ........خليييييييييف ه !

أنا قصدى باستخدام المنطق فقط ! يعنى باستخدام العقل و بدون مبررات قد يعتبرها البعض غيبيه !

عمومآ أنا نفسى بأستشهد بالآحاديث و ما رضيتش أدخلها فى الموضوع و عملت بها موضوع مستقل !

والرابط أهه http://www.masrmotors.com/vb/showthread.php?t=20787

وأهى تمشى على الموضوع ده و على مواضيع أخرى !

ما تبقاش حنبلى أوى ! ما انت عارف قيمة الدين عندى ولا يمكن أغلط فيه ! بس قصدى ( الحياد التام ) !

Dr. Bolbolan ptmnlo123per122

Saif eldien 21-02-2010 06:17 PM

رد: حكايتى مع التأمين...و النصب العظيــم !
 
عزيزى دكتور بولبلان
طبعا ال عملة استاذ صبحى غلط محدش يقدر يقول فية كلمة واحد حتى لو التمسنى لية العظر فهو غلطان وربنا يرحمة ويرحمنى جميعنا
وحضرتك كمان غلط لما الموضوع يكون من المدة دة ومتقولش وتقول فى نهاية الموضوع
اسف طبعا لو حد زعل منى بس احب اتكلم بصراحة
وطبعا يا دكتور اثناء المقابلة بتاعت مصر موتورز قولت لحضرتك وبقولها تانى لو انت حاسس فعلا ان الشركة وموضوع التامين دة شى وحش انت ممكن تلغى الوثيقة وتنقل شركة تانية ودة كان امر سهل منذ البداية ودة ال انا مستغربلة انك استمريت ومستمر ومتقبل الوضع رغم ان حضرتك شايف ان دة شركة مش كويسة
ولو قولنا ان الشركة دة كويسة وان استاذ صبحى هو ال فى الشركة هو ال مش كويس اظن انة مراية لشركتة صح
فى النهاية اقول اننا اسرة وحدة ولا خاب من استشار ومحدش بياخذ فلوس من حد فى الاستشارة فى مصر موتورز
والان يا دكتور الموضوع فى ايدك انت وال حضرتك هتقول علية كترضية مظنش ان حد هيعترض عليها او حل يرضى حضرتك واظن دة ال قالة الاستاذ محمد صبحى

alraues 22-02-2010 02:42 AM

رد: حكايتى مع التأمين...و النصب العظيــم !
 
السلام عليكم ورحمة الله وبركاته

أخوانى الاعزاء
اردت توضيح نقطة مهمة جدا فى مجال التأمين لا يأخذ المنتج عهده الا اذا كان قديم فى الشركة و الهدف من دا ان يكون له مستحقات عاليهفى الشركة فى حاله رفده او وجود عجز عنده او وجود مشكله فى تعويض تخصم من مستحقاته فأنا مثلا من 3 شهور تقريبا كنت فى مشكله تعويض و التعويضات رفضت التعويض و مدير التعويضات خيرنى اما دفعها او خصمها من مستحقاتى السنوية او من اى مستحقات لى و كان التعويض 2413 جنية فدفعتها و لم يكن معى وقتها كانت حتخصم من مستحقاتى السنوية حتى لو توتال لوس او هلاك كلى تخصم وعلى فكره نحن دخانا السنوى كبير و الحمد لله ولنا ميزانية 40 شهر و بدلات و و و
و الشركة مش عبيطه برده حتى تكون الامور واضحه
و فى هذه الحاله لو لا قدر الله كان حدث لدكتور بلبل الله لا يقدر اى حادث فى السياره فى الفتره اللى كانت مش مسدده فيها كان التعويض حيمشى الى الاخر و أخر مرحله فى الملف قبل كتابه شيك التعويض حاجه اسمها بيان سداد ليوضح هل الحادث قبل السداد ام بعده و هنا كان الملف حيقف و يطلبونى و يخيرونى بين دفع التعويض او هم يدفعوه و يخصم منى سواء دفعه واحده او دفعات و توضع فى ملفى و توثر فى تقريرى السنوى هذه المخالفه
فسياسه الشركة هى العميل يتحاسب اولا و هما يحاسبونى بعدها لانه امام الهيئة العامة للرقابه على التأمين العميل طالاما معاه الوثيقة فهو مسددها و مش مشكلته بل مشكله الشركة لانها اعطت تصريح الى أفراد غير موثوق فيهم كى يمثلوها
ففى كل الحالات انا لم اضر اى شخص فى هذه المشكله الا نفسى و اشد ظلم ممكن الواحد يقع فيه هو ظلم النفس
و للفائده ال 2413 اللى دفعتهم كانت المشكله كالاتى
واحد فى معرض شغال معى من فتره و ثقه اتصل بى و اعطانى رقم شاسيه و رقم موتور و مبلغ تأمين و اسم عميل و نوع السياره و البنك و قال ان السياره زيرو لا تزال فى المعرض ولم ترخص و كده باكتب كده على مسئوليتى انى شوفت السياره و هى زيرو وسليمه وبعد 5 شهور تقريبا حصل حادث و كان عباره عن باب ورفرف لسياره فيرنا 2009 وعند تقديم صوره رخصه السياره اتضح ان السياره دى تانى سنه ليها و تجديد مش اصدار جديد و السنه السابقة كانت فى المهندس للتأمين وعلشان العربيه كانت فى شرم الشيخ و بتاع المعرض عايز يخلص علشان تطلعه العموله قال انها زيرو فرفض التأمين و جابوا العميل و فيه حاجة اسمها مخالصه تعويض لازم علشان الملف يغلق العميل يمضى عليها و دا بعد ما ياخد الشيك وادونى اسبوع و اجيب المخاصه دى اما حيخصموها منى و طبعا توضع فى الملف فدفعت للراجل التعويض من جيبى و ربنا سترها يومها كنت صارف 3200 عموله و الراجل طلع محترم و اخد 2000 جنيه بس و استغرب وقال لى دا انت كنت بتجرى فى الملف و بتزععق مع بتوع التعويضات علشان مش معتمدين الجريده بتاعت الباب و المرايه فقلت له لو انى اعرف ان البحر عميق جدا ما ابحرت و طبعا بتاع المعرض عمل نفسه مش عارف حاجه لان الكلام دا من 5 او 6 شهور و انتهى الموضوع
بس حبيت اوضح ان حق العميل محفوظ طالما اخد الوثيقة فى يده


و اكرر اسفى للدكتور بلبل ولكل الاعضاء ولمدير الموقع و المشرفين
وبرده انا فى انتظار قرار ابو نورا و الذى سوف يكون بناء على دراسه الموضوع مع المشرفين و الاعضاء
و مستعد لتحمل اى عقاب او ترضيه او حتى الحذف من المنتدى

و ممكن اوضح نقطه صغيره يا دكتور بلبل ما انا كان ممكن ما اردش ولا افضح نفسى من الاساس و الغى نفسى او انسى الموقع من الاساس او ادخل باسم تانى او اى حاجه ايه اللى جابرنى ان افضح نفسى و اتأسف للجميع كده ؟
و الله غلطه مش مقصوده وبرده حقك عليا
و تحت اى رد فعل ممكن تاخذوه معى يعز عليا دكتور بلبل لانى فعلا بهرت بشخصه و حكمته
و فى النهايه انا فى انتظار حكمكم و مستعد لاى شىء و
والله لو طلبتوا منى ان انسحب من المنتدى حأعمل لانى انا اللى حط نفسه فى هذا الوضع

و السلام عليكم و رحمه الله وبركاته

MANO_War 22-02-2010 03:42 AM

رد: حكايتى مع التأمين...و النصب العظيــم !
 
معلهش استاذ محمد قرأت كلامك و برغم ان الموضوع لا يخصنى و لكنة بمجرد تداولة كتوبيك فى المنتدى أصبح حق الرد مكفول للجميع و لى بعض علامات الاستفهام و لا اتمنى ان تغضب او يغضب
أحد منى على كلامى:

حضرتك قمت بتوريد فاتورة دفع للدكتور بها رقم سيارة مشابهة لسيارة الدكتور و لكنها لم تكن هى!!!!!!
و قام المسئول فى شركتكم بالتأكيد على ان الوثيقة التى تخص الدكتور لم يتم توريد اية مبالغ
تخصها و ان رقم الوثيقة التى دفعت يخص شخص و سيارة اخريين
يعنى لو حدث ما لا يحمد عقباة اكيد
لن ننتظر سيادتكم لتلقى علاوتكم و زياداتكم السنوية حتى يتم تصحيح خطأ اقل ما يمكن قولة انة
ن . . بسبق الاصرار و الترصد!
و يعرض حياة الاخريين و ممتلكاتهم للضياع

خالدخليفة 22-02-2010 05:02 AM

رد: حكايتى مع التأمين...و النصب العظيــم !
 
[quote=Dr. Bolbolan;138672]ربنا يعمر بيتك يا أستاذ........خليييييييييف ه !

ههههههههههههههه ومال خليفة دى طويـــــــــلة اوى كده ليه اوعى تكون ناوى تضربنى زى الراجل اللى قالها ف مسرحية عادل امام


ما تبقاش حنبلى أوى ! ما انت عارف قيمة الدين عندى ولا يمكن أغلط فيه ! بس قصدى ( الحياد التام ) ![/quote
طبعا عارف والا مكنتش حبيت اتعرف بيك ثم بقى معلومة كده بالمرة من سياق كلامك
هل تعلم ان
مذهب الامام احمد هو من اسهل المذاهب الفقهية و من اكثرها مرونة وانه مظلوم لما تيجى سيرته على اى حد معقد الدنيا
واعتقد والله اعلم انه يمكن تمسكه بموقفه امام الحاكم فى فتنة خلق القرآن واللى بسببها سجنوه وعذبوه لان على ايامنا دى ممكن يعتبر ده نوع من التشدد لكن بفكره ومنطقه فهو عالم كبير والامة كلها تنظر اليه وماشية وراه ولايمكن يحيد عن الحق من اجل فتنة الدنيا والله اعلم


الساعة الآن 06:24 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017