ازاي تغير مقاس جنوطك وكاوتشك من غير ما تزعل عربيتك و ما يضحكش عليك
 

هناخد أي مقاس على سبيل المثال


[IMG]http://www.**********.net/Nile/attachments/forum38/6409d1255095106-untitled.jpg[/IMG]
13----- قطر الجنط
Radial------ R طريقة تصنعه
H ------ بيان السرعة القصوى Speed Rating
65 ----- ارتفاع الكاوتش وهي نسبة مئوية (%) من العرض و تحسب بالطريقة التالية:
------------------ 100 / (185 * 65) = (ارتفاع الفردة) Aspect Ratio
185----- وهو أكبر عرض للكاوتش وهو منفوخ بس مش راكب في العربية

علشان تغير مقاس الجنوط والكاوتش كما قال الكتاب

أولا:

هانبتدي نحسب القطر الكلي للفردة كما هو موضح بالرسم:

[IMG]http://www.**********.net/Nile/attachments/forum38/6411d1255097507-ii.jpg[/IMG]

وهاناخد المثال بتاعنا نطبق عليه المعادلة
وما ننساش نحول البوصة (مقاس الجنط دائما بالبوصة) لميلليميتر
بضرب الرقم (اللي بالبوصة) * 25.4 = المقاس بالميلليميتر

<table id="myexample" style="border: 5px solid blue;" border="0"><tbody><tr><td >(قطر الجنط بالميلليميتر +(ارتفاع الكاوتش * 2))= القطر الكلي</td></tr></tbody></table>



13*25.4 + [( 100/ (185 * 65) )* 2] =570.7 ميلليميتر(القطر الكلي الأصلي)

لازم أي كاوتش تجيبه حساباته تديلك قطر كلي مساوي للقطر الكلي الأصلي علشان سرعة السيارة الحقيقة ما تختلفش عن سرعتها على العداد

لمن يسعى الى الراحة في القيادة ولا يهتم بثبات السيارة أنصح بتركيب ارتفاع كاوتش كبير

لمن يسعى الى الأداء العالي أنصح بيركيب ارتفاع كاوتش صغير مما يساعد على تقليل استهلاك البنزين و زيادة أداء الفرامل وزيادة أداء الثبات مع الأخذ في الاعتبار الاحساس أكثر بتفاصيل الطريق مما يؤدي الى الازعاج لبعض الناس.....

ثانيا:

تحديد مقاس الكاوتش هايخليك تعرف تحدد مقاس الجنط اللي انت محتاجه

بس أهم حاجة ال offset بتاع الجنط يكون بالظبط زي اللي موجود في العربية أو أكبر منه بحد أقصى 7 mm أو أقل منه بحد أقصى 7 mm برضه علشان تحافظ على عفشة عربيتك

والأوفسيت ده بيبقى مكتوب على الجنوط الحديد بتاعة العربية مكان ما الكليبسات بتاعة الطاسة بتركب أو داخل الجنط بالاضافة الى بيانات الجنط الأخرى زي عرضه و تصميم الشفة بتاعته

وبيبقى موجود جوة الجنط الاسبور مدقوق أو بارز على دراعات أو صرة الجنط من جوه

الأوفسيت ده كما هو موضح بالرسم :

[IMG]http://www.**********.net/Nile/attachments/forum38/6417d1255112119-offset.jpg[/IMG]

أقصى عرض مسموح به للجنط الاسبور هو انك تزود 1.5 بوصة على عرض الجنط الأصلي للسيارة
يعني في الأكسنت من 5.5 بوصة الى 7بوصة هو أقصى بعد مسموح به لعدم اتلاف هيكل السيارة أو/و العفشة..


و دي صورة توضيحية لجميع أبعاد الجنوط والكاوتش
][IMG]http://www.**********.net/Nile/attachments/forum38/6418d1255112735-wheel.jpg[/IMG]

أما الن بعد أن فهمتم المقاسات أرجو اضافة توضيح اخر
وهو بالنظر الى الرسم في الأسفل :

[IMG]http://www.**********.net/Nile/attachments/forum48/6447d1255258598-tire-specs-2.jpg[/IMG]

(بيانات الكاوتش مكتوبة بوضوح كما هي في الواقع وأغلب هذه البيانات تم شرحها في أول الموضوع)
أما بالنسبة للسرعات المتاحة وكيفية تحديد السرعة القصوى المسموح بها للاطار مقابل الحرف الموجود برجاء متابعة الجدول التالي Speed Rating Table:

[IMG]http://www.**********.net/Nile/attachments/forum48/6448d1255258613-speed-rating.jpg[/IMG]

ملحوظة هامة جدا:
يتحمل الاطار الحرارة الناتجة عن السرعة القصوى المحددة له لمدة عشرة دقائق متواصلة فقط, أما بعد هذه المدة لا تضمن أي شركة النتيجة التي من الممكن أن تحدث بعد هذه المدة....!!!

أما بالنسبة للوزن الأقصى بالكيلوجرام اللذي يتحمله الاطار الواحدوكيفية تحديد هذا الوزن للاطار مقابل الرقم الموجود برجاء متابعة الجدول التالي Load Index Table:

[IMG]http://www.**********.net/Nile/attachments/forum48/6449d1255258635-load-index.jpg[/IMG]

من الممكن وجود معلومات اضافية على جدار الاطار ودالمعلومات دي مش بتيقى موجودة على كل أنواع الاطارات.
و المعلومات دي زي:

• The temperature rating وهي معدل درجات الحرارة التي يتقبلها الاطار بدون أي تأثير سلبي عليه من حيث زيادة الضغط بشكل زائد وغير طبيعي داخل الاطار نتيجة لزيادة درجة الحرارة بزيادة مدة احتكاك الاطار بالطريق, مما يؤدي الى تمدد الغازات وزيادة الضغط.

ويختلف معدل درجات الحرارة لكل اطار باختلاف تصميمه وشكل نقشته والشركة المنتجة ليه والخامات المستخدمة فيه ويتم تقييم أداء الاطار بالنسبة لزيادة درجات الحرارة باعطائه حرف ينم عن أداء هذا الاطار مع زيادة درجات الحرارة. فيكون حرف "A" هو أعلى أداء وحرف "C" هو أقل أداء للاطار من حيث تأثره الواضح بتغير درجات الحرارة.

• The traction rating وهو مدى تمسك الاطار بالأرض (بمعنى اخر قدرة الاطار على الانزلاق على الأسفلت)

بشكل اخر :
بعض الاطارات لها مدى تمسك منخفض بالطريق
مما يؤدي الى زيادة نسبة تعرضك للمخاطر بشكل أعلى (لاقدر الله) وذلك عند:

1. استخدام فرامل الطوارئ وخاصة للسيارات التي لا يوجد بها نظام ABS مما يتيح توقف الاطار المفاجئ وانزلاقه على الطريق, بحيث تختلف مسافة الانزلاق من اطار للاخر باختلاف مدى تمسك الاطار بالطريق Tire traction Rating
2. عند المرور فوق طريق زلق به كميه من السوائل (مياه أو جاز وخلافه...)

ملحوظة:
الاطارات ذات معدل تماسك عالي بالطريق لا تغنيك عن تفادي المشكلة ولكن تساعد على تقليل الخسائر لاقدر الله بشكل كبير.

ويختلف معدل التماسك لكل اطار باختلاف تصميمه وشكل نقشته والشركة المنتجة ليه والخامات المستخدمة فيه ويتم تقييم أداء الاطار بالنسبة لتماسكه بناءا على مواصفات قياسية كما الحال في تقييم المدى الحراري للاطار باعطائه حرف ينم عن مدى تمسك الاطار بالطريق.
فيكون حرف "AA" هو أعلى أداء وحرف "C" هو أقل أداء للاطار من حيث تمسك الاطار بالطريق

بالاضافة الى ما تم ذكره
يوجد أيضا على بعض الاطارات (جدار الاطار)
Tread Wear Life وهي معدل تاكل مداس الاطار (الجومة) بالنسبة للمسافة المقطوعة على الطرق الأمريكية القياسية بالميل (عمر الاطار بافتراض ظروف قيادة مثالية مستمرة بدون توقفات في الطرق الأمريكية السريعة)

على سبيل المثال:
Tread Wear 140
اذا وجدت هذه العبارة مكتوبة على جدار الاطار فهذا يعني أن عمر هذا الاطار تنتهي بعد
140 * 30,000 ميل = 4,200,000 ميل !!!!!!!!!!????

بحيث ان


وفي سيارات بتنزل بكاوتش Tread Wear Life 400 كما هو الحال في النيو أكسنت

مع الأخذ في الاعتبار ان متوسط عمر الاطار الفعلي بيصل حتى 50,000 ميل في طرق الدول المتقدمة!!! يعني 50,000 * 1.6= 80,000 كيلومتر

معلومة هامة جدا بالنسبة لعمر الاطار:
تجد أيضا على جدار أي اطار تاريخ تصنيعه وهو ال DOT Age Code ولا تشتري اطار عمره تعدى 6 سنوات لأن المطاط الموجود من ضمن المكونات للاطار تتحلل وتضعف حتى لو كان الاطار جديد ولم يستخدم مما ينتج عنه انهيار أداء الاطار بأي شكل غير متوقع في خلال أيام أو أسابيع معدودة

مثال:
وعلى سبيل المثال ستجد التاريخ مكتوب على جدار الاطار بالشكل التالي:
DOT FA 7CDEF 3004

والمهم في هذا الكود هو مجموعة الأرقام الموجودة مع بعض وتكون أربعة أرقام (في أي مكان في الكود)
أما بالنسبة لمثال الكود الموجود أمامنا فهو يعني (من الشمال لليمين) أن الاطار تم انتاجه في الأسبوع ال 30 لسنة 2004
وقس على ذلك أي أربعة أرقام 2105 يعني الأسبوع ال 21 لسنة 2005

ولو لقيت الرقم ده ثلاثة أرقام فقط أو ثلاثة أرقام ومثلث زي 176 أو http://www.carbibles.com/images/minitriangle.gif176

يبقى معناه الأسبوع ال 17 لسنة 1996 وده ماتشتريهوش طبعا

رد: ازاي تغير مقاس جنوطك وكاوتشك من غير ما تزعل عربيتك و ما يضحكش عليك
 

موضوع رائع و تشكر عليه ! بس النقطه دى بالذات عايزه مراجعه منك أو مناقشه !

لآن الناس كلها والمنتديات كلها بتقول العكس عن النقطه دى !

يعنى يقال ان الجنط الكبير يعطيك ثبات أكثر لكن بتحس بكل مطبات و زلط الطريق ( عكس كلامك ) !

أما الجنط الصغير فصحيح انه سيوفر فى البنزين و سيزيد فى السرعه !

ياريت ترد على النقطه دى بأى اثبات ! ( للفائده فقط ) !

Dr. Bolbolan ptmnlo123per122

رد: ازاي تغير مقاس جنوطك وكاوتشك من غير ما تزعل عربيتك و ما يضحكش عليك
 

رد: ازاي تغير مقاس جنوطك وكاوتشك من غير ما تزعل عربيتك و ما يضحكش عليك
 

للحفاظ على نفس قيمة القطر الكلي للاطار كما هو موصى به في كاتالوج السيارة.
لما ارتفاع الكاوتش يزيد يعني الجنط بيكون أصغر للحفاظ على قيمة القطر الكلي
(ما ينفعش نصغر قطر الجنط فعليا لأنه هايتعارض تركيبه مع الطنابير وأجهزة الفرامل فتكون الزيادة في ارتفاع الكاوتش على حساب القطر الكلي)
ولما ارتفاع الكاوتش يقل بنضطر نكبر قطر الجنط للحفاظ على قيمة القطر الكلي

برجاء التدقيق في الرسم المرفق
http://www.masrmotors.com/vb/attachm...5&d=1258462944

فبزيادة ارتفاع الكاوتش نحصد تقليل في قطر الجنط مما يؤدي الى الاحساس بالراحة ولكن على حساب الثبات
وبتقليل ارتفاع الكاوتش نضطر الى زيادة قطر الجنط مما يؤدي الى الاحساس أكثر بتفاصيل الطريق و الى ثبات أكثر في المنحنيات
برجاء النظر الى الصورة المرفقة وهي مثال على ارتفاعات مختلفة في منحنى الى اليمين
http://www.masrmotors.com/vb/attachm...6&d=1258462956

مما ينتج عنه ان السيارة تتجه الى اليسار نتيجة القصور الذاتي لوزن السيارة
بمعنى اخر انك لو بتلف بالعربية يمين مثلا وانت بتجرى بتلاقي العربية بتميل جامد ناحية الشمال وبتترفع شوية من ناحية اليمين وده معناه ان العربية لها رد فعل نتيجة الفعل اللي حضرتك عملته و نتيجة ال Weight Transfer Inertia اللي هي القصور الذاتي الناتج عن سرعة السيارة وتغيير اتجاهها

وكل ده مش عكس كلامي بل بالعكس ده اثبات أكبر ليه
وهو انك لما بتكبر الجنط الثبات بيزيد
بس الثبات له علاقة مباشرة بارتفاع الكاوتش اللي بيقل نتيجة زيادة قطر الجنط مش الجنط اللي بيثبت العربية

هذا بالضافة الى أن عرض الجنط كمان بيفرق في الثبات كما هو موضح في الصورة ما قبل السابقة

اذن ثبات السيارة عند تغيير الجنط يعتمد بصفة أساسية على الاتي:

• ارتفاع الكاوتش.
• عرض الجنط.

أما بالنسبة لاستهلاك البنزين وأداء الفرامل والمحرك بيتأثر ازاي دي ان شاء الله هاكملها بكرة علشان مشغول حاليا للأسف
وياريت أكون وضحت المعلومة ببساطة والناس كلها فهمت لأن عندي مشكلة شوية في عملية الشرحptmnlo123per1127

رد: ازاي تغير مقاس جنوطك وكاوتشك من غير ما تزعل عربيتك و ما يضحكش عليك
 

شـرح رائع جدآ وشـــــكرآ على الاجابه الســــريعه !

Dr. Bolbolan ptmnlo123per122