|
بدعة خرط وش السلندر أختراع مصرى؟؟؟ بيجو 405 برستيج :(
السلام عليكم انا عندى عربية بيجو 405 برستيج أنجيكشن 96 1800سى سى وعندى صوت تكتكة كده بيعلى ويوطى بس مش مأثر فى حاجة معايا الحمد لله سواء سحب او اكل زيت او دخنة ولما روحت للميكانكى قالى لازم وش السلندر يتغير ويتركب وش سلندر فبريكة لم يتم خرطه يتفك من على موتور ويركب عند فقط يتم تغير أولسيهات الصباب عشان مش تهبب ,(طبقا لاستشارة 2 صنايعىة لكن اللى بتعاملم معاه اولهم) وسبب قوله انه مينفعش اركب وش مخروط او مقشوط زى ما بيقولوا انه لما بيتم خراطة الوش او قشطه بيتم ازالة نسبة من جسم وش السلندر واللى بيترتب عليه تقليل المسافة اوا لابعاد داخل الموتور وغرف الاحتراق داخله واذا تم تركيب الوش على هذه الحالة مع استعمال جوان وش سلندر واحد هيؤدى لقلة عزم الموتور ولو حاولت اعوض الفارق بتاع النسبة اللى تم ازالتها فى خراطة الوش من خلال تركيب 2 جوان وش سلندر فوق بعض معا هيخلى العربية تسخن وهى دى المعلومة اللى توصلت ليها لما قالى فى البداية انه لازم وش إستندر متلعبش فيه نهائى ولما روحت اتاكد منه فعلا أكد ما سبق ذكره وقالى انه الخواجات عملوا المواتير بابعاد لو قلت او زادت بتأثر بالسلب على الموتور والعربية كلها وكمان ذكر حاجة انه غلط انه يتم خراطة وش السلندر ونه اذا كان فيه عيب من سخونة او خلافه فلابد من تغييره باخر استيراد متلعبش فيه وللعلم انا روحت لاخرين ذكروا لى انه العيب فى البلوك نفسه وانه فى بستم سايب جوه الشيمز واخر قالى بنز بستم واخرين قالوا لى انه عربيتى مش بيتزبط لها تاكيها وانه تاكيهاتها ضغط هواء وانها بتتزبط لوحدها واخرين قالوا انها عادى بيتزبط لها تاكيهات وانا روحت لبتاع تاكيهات عشان يزبط العربية عشان صوتها مكانش عاجبنى وبعدها العربية مش بقت مظبوطة ودخنت دخنة سوداء واتزبطت بعد ما عمل التاكيهات عند شخص تانى ومن 10 ايام لما حبيت اشوف الصوت ده من ايه روحت لواحد بتاع تاكيهات كشف عليها قالى انه التاكيهات مظبوطة ومش محتاجة ظبط وانه الصوت ده (دليل خفيف , بنز بستم ) واراء اخرى بتقول دى صبابات هى اللى مسببة صوت الكركرة اللى بيعلى ويوطى ده فى انتظار تعليقاتكم |
رد: بدعة خرط وش السلندر أختراع مصرى؟؟؟ بيجو 405 برستيج :(
40 مشاهدة ولا يوجد رد واحد؟؟؟؟
|
رد: بدعة خرط وش السلندر أختراع مصرى؟؟؟ بيجو 405 برستيج :(
طبعا خرط وش السيلندر حل غير سليم 100 %
بس لو حاجة بسيطة بيبقى حل اقتصادى و على صاحبه تحمل الفروق البسيطة بينه و بين وش ستوك بس انا قاشط وش السيلندر عندى حاجة بسيطة صحيح عامل صوت بسيط بس مش مأثر فى اداء العربية نهائى لكن فعلا لو شغل كبير يبقى عك و الافضل وش استيراد |
رد: بدعة خرط وش السلندر أختراع مصرى؟؟؟ بيجو 405 برستيج :(
كلام منطقي جدا كشط وش السليندر للضرورة القصوي فقط أو عند الأضطرار --------- لو في بستم مكسور أو مش مربوط أو الكرنك مكسور مثلا أو بنز مش بايت في مكانه أعتقد هتسمع صوت ترزيع و ليس صوت تكتكة و هتلاقي الزيت بينقص مثلا أو المياة داخلة مع الزيت مثلا علي حسب مدي المشكلة نفسها حتي لو في شنبر مكسور مثلا --------- أنا أرجح رأي تاني خالص و الله اعلم ... هذا مجرد إقتراح هل ممكن نشك في سير الكاتينة ربما مرخي .. و ممكن يكون بيحك في الغطاء بتاعه مثلا هل ممكن نشك في لقمة من لقم السبيكة قد تكون متاكلة و دابت عشان كدة بتسمع الصوت بطريقة متقطعة و ليست منتظمة ... و لكن في هذه الحالة هيتزايد الصوت تدرجيا مع تزويد السرعة برده لو حابب تطمئن أكثر علي سلامة حركة التاكيهات ممكن تفك غطاء التاكيهات و تدور العربية و تشوف بقي هل الصوت صادر منها و لا مش منها متابع معاك بإذن الله و منتظر رأي الخبراااااااااااء |
رد: بدعة خرط وش السلندر أختراع مصرى؟؟؟ بيجو 405 برستيج :(
فعلا مش المفروض يتخرط
|
| الساعة الآن 05:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017