لية استفسار فى كهرباء 131
 

يعنى اية ابلاتين وكوندينسر يعنى دول لزمتهم اية فى العربية وياريت لو اعرف تمنهم وبيتغيرو كل قد اية .... لانى رحت للكهربائى وقالى عايزين يتغيرو

رد: لية استفسار فى كهرباء 131
 

الأبلاتين هو اللى بيدى إشارة بدأ تشغيل الشرارة للعربية دوريا ومكانه جوا موزع الشرارة الإسبراتير فبيوزع الشرارة اثناء دوران المحرك عشان يدور بإنتظام
والكوندينسر بقى بيرمى مع الشرارة وبيقويها وبيقعد يشتغل شحن وتفريغ
لو حصل فيهم مشكلة بيخلى العربية تنتش معاك ودوران غير منتظم ومشاكل تانية
لكن الكهربائى ملوش أى علاقة بيهم ، الميكانيكى هو المشئول عن تركيبهم وظبتهم
يعنى لو الكهربائى قاللك أبلاتين وكوندينسر سيبه وروح للميكانيكى لو سمحت
آسف للإطالة
تقبل مرورى

رد: لية استفسار فى كهرباء 131
 

الأبلاتين الصينى المضروب ب 10 جنيه وبيمشى
الأبلاتين البولندى 16- الإنجليزى المضروب 12- الفرنساوى 18
الكوندينسر الصينى 8 - الإنجليزى المضروب 10 - الفرنساوى 12ج

رد: لية استفسار فى كهرباء 131
 

الافضل تشترى اسبراتير وموبينة الكترونى من الاستعمال بتوع الشاهين والخراط بيعدل الترس علشان يركب فى ال31 انا عامله فى عربيتى بيتكلف حوالى 400 جنيه
بس هترتاح من الابلاتين والكوندنسر ومشاكلهم وهتفرق كتير فى المشى وسحب العربية :120105~352:

رد: لية استفسار فى كهرباء 131
 

اقتباس:

المشاركة الأصلية كتبت بواسطة خميس حسن (المشاركة 630586) الافضل تشترى اسبراتير وموبينة الكترونى من الاستعمال بتوع الشاهين والخراط بيعدل الترس علشان يركب فى ال31 انا عامله فى عربيتى بيتكلف حوالى 400 جنيه

برضه ممكن الموبينه سعرها قريب من الموبينه العادة بس ليا سؤالين ياأستاذ خميس
الاول عن موضوع التعديل فى الترس ؟
والتانى إن الإسبراتير الإليكترونى سعات بيفصل العربية مرة واحدة ، مش ده ممكن يسبب مشكلة وخصوصا أثناء نزول السيارة من على كوبرى أو حتى أثناء الصعود ؟؟؟
من حيث سهولة التعامل العادة افضل بكثير مش كده ؟؟
وبعدين انا عربيتى الحمدلله ماشية زى الفل ليه اروح أدفع 400 جنية فى تعديل انا فى غنى عنه بما ان سعر الأبلتين 10 جنيه و الكوندينسر عشرة جنيه
وسمعت برضو كمان ان الترس اللى حضرتك بتقول هيتعدل عند الخراط هو ترس الزيت ، معلش لو مش هوا
لكن لو هو فعلا اللى هيتعدل مش ممكن يسبب كارثة فى الموتور لو لاقدر الله الترس فوت

إعذرنى فى طريقتى يا أستاذ خميس لأنى كل هدفى انى أدرس الموضوع كويس و إحنا بس بناخد رأى بعضينا وبنتقبل وجهات النظر
تقبل مرورى