|
للساده الخبراء بالتقسيط المباشر
للساده الخبراء بالتقسيط المباشر قمت بحجز سياره من أحد التوكيلات بنظام التقسيط المباشر ودفع 1000 جنيه مقدم حجز و 150 جنيه إستعلام على اساس دفع مبلغ نصف ثمن السياره طبعا بعد الموافقه وهو مبلغ 26 ألف جنيه بالإضافه للتامين والترخيص المهم منذ يوم دفع مبلغ الحجز علشان يعملو إستعلام وأنا غير موظف وليس لى إثبات دخل المهم جبت لهم ضامن لم يكتفو بذلك ومعاه مفردات مرتب بل قالو انه محل الإقامه فى المنوفيه المهم هوه مقيم بالقاهره لكن البطاقه منوفيه المهم هو زوج أختى والشقه فى القاهره بإسم أختى المهم طلبو وصل نور وإثبات إنه زوج أختى المهم كل ده جيبته لهم من أول يوم قعدو 10 أيام دلوقتى والنهارده بلغونى بأن مبروك تمت الموافقه بس بشروط وهى دفترشيكات بإسمى طبعا ماعنديش حساب فى البنك قلت أشوف البنوك وإيه الحل مش دى المشكله همه عاوزينى اوقع شيكات بالمبلغ المتبقى وفوائده 12 فى الميه المبلغ الأصلى 26 ألف جنيه وبالفوائد على 36 شهرحوالى 35 الف جنيه وكمان إيصال أمانه على زوج اختى ب 35 ألف جنيه وكمان إيصال أمانه على أختى ب35 ألف جنيه يعنى ال 26 ألف ها أوقع على 105 ألف جنيه ورق طبعا كلام لا يدخل العقل وكمان تأمين ب 2080 جنيه وكمان توكيل بالسياره وكمان حظر بيع كلام نكته طبعا انا لم أذكر إسم الوكيل علشان مش عاوز تشهير به لأن الراجل المسؤول عن المبيعات راجل محترم وكمان بتاع الإستعلام ومش عاوز اخسرهم بس فيه حاجه مهمه أنا كنت مشترى عربيه من بنك بلوم مصر بنصف الثمن مقدم والباقى تقسيط على 48 شهر بفائده 11 فى المائه وبدون ضامن ولا إثبات دخل بس صوره البطاقه ووصل كهرباء وبدون شيكات ولاإيصالات أمانه بس توكيل بالعربيه وحظر بيع فقط والموافقه فى 48 ساعه والحمد لله خلصت الأقساط ولم يتم توقيع أى غرامات تأخير على نظرا للإلتزام الكامل من طرفى وشكرا للجميع |
رد: للساده الخبراء بالتقسيط المباشر
اخى الكريم
اصل المبلغ 26 الف جنية و بالفوائد 35 الف . اجمالى الشيكات و ايصالات الامانة 105 الف زى ما حضرتك قولت وكمان مع المعرض توكيل للعربية انا اعتقد ان كدة كتير قوى جرب تودع المبلغ كوديعة فى البنك وتاخد جواب من المعرض ( عرض سعر ) وتجيب العربية عن طريق البنك وقارن الفوائد لو البنك اكثر بقليل اعتقد انة هيكون اضمن ميت مرة وتقبل مرورى |
رد: للساده الخبراء بالتقسيط المباشر
ايه ده كله. أنا جبت عربيه من معرض محترم و هو اللي قسطلي مع البنك. دفعت النص و الباقي قسط ب 11%. المطلوب كان البطاقة و ايصال كهربا فقط. و لا حد له علاقة بشتغل و الا لأ. فيه حظر بيع فقط. لا توكيل و لا شيكات و لا حاجة. ده هبل و الله. كلمني علي الخاص أديك كل التفلصيل و سيبك منهم.
|
رد: للساده الخبراء بالتقسيط المباشر
نشكرك يا اخى علي النصيحة
نعلم من هو المقصود ابو ********* توكيل سيارات الله الغنى عنهم وعن سياراتهم |
رد: للساده الخبراء بالتقسيط المباشر
اقتباس:
شكرا لك يا اخى الفاضل أنا قررت عدم الشراء بالتقسيط فى واحد معاه عربيه مستعمله ها ابدل معاه بعربيتى وأدفع الفرق كاش ولا إقساط ولا غيره وشكرا لك |
| الساعة الآن 08:32 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017