عوامة البنزين كلاكيت تاني مرة
 

معايا فيرنا 2011 1600 مانيول المهم من فترة المؤشر البنزين كان نازل شوية روحت مفول وبادور العربية لقيت المؤشر مش راضي يرفع ولكن بعد كام مشوار رفع ووصل لعلامة f رحت التوكيل عشان اعمل صيانة 5000 وقلتلهم عليها راحو مغيرين العوامة ومن هنا ظهرت المشكلة أولا بعد ما افول مؤشر البنزين بيرفع وبيعدي علامة f كأنه هايطلع من العداد والي يضحك ان المؤشر كان فوق النص بشوية رحت مفول لقيت عامل البنزين بيقولي 27 لتر قلت ازاي والمؤشر فوق النص وتانك الفيرنا 45 لتر قلت في نفسي ياريتني ما قلتلهم عليها في التوكيل دول بدل ما يكحلوها عموها ( توكيل الغردقة ) ده كانت اشتغلت :red_face10::red_face10:. .... يا جماعة حد فيكم قابلته المشكلة ده وحلها ازاي ؟؟ ... وكمان سؤال هو تركيب عوامة جديدة محتاجة ظبط معين مع المؤشر ولا لالالا ؟؟؟... عشان عمنا غبور ساعات بيشغل صنايعية مش قد كدة عشان يوفر والسلام لأن الصنايعي الي كان شغال في عربيتي كان شاب صغير وكان غرقان في شبر ميه زي ما بيقولوا :red_face10::red_face10:

رد: عوامة البنزين كلاكيت تاني مرة
 

تعرف تطلع على توكيل السويس عند طريق اسماعلية الصحراوى روح لاستاذ محمد وقولة لكن عمتا دى مشكلة عوامة ومحتاج جديد وللعلم لازم فى التوكيل يديك القديمة عشان تتاكد انهم غيروها هما بمعنى ادق عوج الكوتن اللى هو حديدة طويلة ماسكة فى حساس المؤشر عوجة سنة عشان يديك قراءة عالية شوية ودا غلط جدا لكن مغيرس العوامة وخد بالك العوامة تتغير ويتغير معاها الشريحة الالكترونية حتة كدة قد عقلتين صباع دى لو متغيرتش يبقى معملتش اى حاجة لازم تتغير روح تانى لتوكيل الغردقة وقولة وعرفة انك فاهم وقولة الشريحة الالكترونية هى اللى لازم تتغير لكن
ملهاش ظبط معين عشان المؤشر عادى فك مسمار ركب اربط بسيطة جداا
اهم حاجة الشريحة تتغير اللى مكانها فى جمب اليمين من الطرمبة لازم
على فكرة انا عندى بعد 4 سنوات كدة راحت عملت نفس الموضوع دا افول يقوم يدينى انة ناقص شوية وحوارات كدة بس تعاملت مع الامر لانى عمرها كدة وطبعا خرجت من الضمان ورحت سالت على العوامة بالطرمبة حوالى 600 بالشريحة طبعا الالكترونية قلت اتعامل بالامر واغير وقت تانى بس متزعلش الفيرنا عربية جميلة وربنا يستر طريقنا

رد: عوامة البنزين كلاكيت تاني مرة
 

عن نفسى لما غيرت المضخة بالعوامة طبعا اداء العداد اختلف للاوحش
بس من وصفك للموضوع انا حاسس انها كده اقرب للواقع لانك لو بتفول للزور لازم المؤشر يعدى ال f

رد: عوامة البنزين كلاكيت تاني مرة
 

ازيك يا باشا ويارب تكون بخير بس تعليقى انت لما غيرت بقت للاوحش ازاى المفروض تبقى افضل هههههههه انت تبشيل وحش عشان تحط اوحش

رد: عوامة البنزين كلاكيت تاني مرة
 

الله يسلمك يا استاذ محمد
انا الحمد لله بخير يا رب تكون بخير
و الله الموضوع انها لما باظت جبت واحدة اصلى اخت الفابريكة و انا الى مركبها بايدى مش حقول حد مركبها اى كلام او تنى دراع العوامة لأ انا الى مغيرها بنفسى و من بعدها المؤشر سلوكه اختلف بالسلب يعنى مبقاش يعدى ال f و بقى بيجى بعد الشرطة التانية و هوب ينزل فى دقايق و بعدين اقف يطلع شوية و حاجة فله
فانا مشغلتش بالى طالما الهدف الاساسى انه بيدى بيان تقريبى يعتمد عليه لتقدير كمية البنزين فاتعودت على السلوك الجديد للعداد و ريحت دماغى
طبعا بالنسبة لصاحب الموضوع الوضع مختلف تماما العربية لسة زيرو و فى الضمان و من حقه الوضع يبقى زى الاول و اذا مكنش احسن