رد: مين زار واحة سيوه؟
 

طيب التكلفة بتاعة الخيمة دى كام

رد: مين زار واحة سيوه؟
 

الخيمه دى تبع الردم يعنى ليس لها تكلفه وحدها وكما ذكرت قبل كده ان( الردم+ الاقامه+الوجبات ) كلها تكلفتها فى اليوم من130 الى 200 جنيه حسب مستوى الاقامه مش الوجبات اوالردم والموضوع يخضع للفصال طبعا .
وبعد انتهاء عمليه الردم فى الرمال تكون مسام الجسم مفتوحه فيتم عمل تدليك لكامل الجسم عن طريق مدلك محترف باستخدام خليط من زيت الزيتون والملح والليمون الدافىء لغلق المسام المفتوحه.

رد: مين زار واحة سيوه؟
 

نرجع مرجوعنا لماقررت اتوكل على الله وانطلق الى طريق سيوه بالسياره بعد الاستعدادات واخذ الاحتياطات وارقام تليفونات من سيوه ومطروح للطوارىء اذالزم الامر وانطلقت على بركة الله والطريق مفيهوش سريخ ابن يومين وكل نص ساعه اقابل ياميكروباس ياأتوبيس سياحى أوغرب الدلتا ومدقات يمين الطريق تؤدى الى ابار البترول والغاز الطبيعى فى يمين الطريق توجد حقول شركه بترول الصحراء الغربيه وقد قامت القوات المسلحه بتطهير المنطقه من الغام الحرب العالميه الثانيه ومعركة العلمين حتى تستطيع هذه الشركات من حفر تلك الابار ومع ذلك لاتزال توجد مناطق محدده ممنوع الاقتراب منها لوجود بقايا الالغام الى ان حدث الاتى................
وجدت قطيع جمال يعبر الطريق بمنتهى الثقه وينظر الى بتعالى وطبعا استنيته يمر بالسلامه وشهاده للحق فقد كان عبد الرحمن(اوعو تكونوا نسيتوه)يتصل بى طول الطريق ليطمئن على وان مافيش مشاكل واذ فجأة بعد حوالى 270 كم وكنت زهقت من منظر الصحراء الرتيب حدث تغير فى المشهد تماماً فبدأ الطريق فى الهبوط التدريجى مع ملفات حول الجبال وتحول منظر الصحراء الكئيب الى منظر مختلف تمامأ كأنى داخل الى قريه مصريه فى وسط الدلتا منظر الاشجار يبدومن بعيد ثم ترع وقنوات مائيه وظهر مصنع صافى لتعبئة زيت الزيتون والمياه المعدنيه حيث كان عبد الرحمن اخبرنى عندما اصل لهذه النقطه من الطريق اتصل به ليرسل لى من يوصلنى الى حيث يقيم داخل الواحه وبدأت المطبات تتوالى زى اى قريه مصريه...ونكمل بعدين
يتبع....
دى صور من الطريق وتظهر ابراج الاتصالات يابشمهندس عمرو قبل تركيبها.

رد: مين زار واحة سيوه؟
 

متابع يا باشا بس عايز اقولك حاجة البرج ده برج كهرباء ضغط منخفض و الابراج دي موجودة لحد مطار بئر النص الحربي فقط بعد كده الطريق لتوجد عليه اي ابراج كهرباء و الابراج بتاعتنا هي دي

رد: مين زار واحة سيوه؟
 

استاذ اشرف دي ابراج الكهرباء بعد التركيب