|
تيل فرامل للجراند تيريوس ممتاز جدا وسعره رخيص
السلام عليكم ورحمة الله وبركاته كان عندى مشكله فى التيل الامامى للعربيه انه خلص بعد 11 الف كم ولما جيت اغيره فى التوكيل لاقيته ب 700 جنيه وطبعا سعره غالى جدا بالنسبه للمده البسيطه اللى استهلكها يعنى تقريبا مع غيار زيت 10 الاف كم اغير تيل قررت اشترى من بره لاقيت نوع تركى تمنه 95 جنيه ركبته وطلع سىء جدا بيصفر مع كل مسكه وحاسس انه مش بيمسك كويس زى الاصلى اخدت انطباع ان الاصلى مفيش زيه وحاولت اجيبه من السعوديه والامارات وعمان وبردو ما يعادل نفس السعر سالت فى المحلات لغاية ما اشتريت من شخص محترم تيل ممتاز جدا دلوقتى ماشى بيه حوالى 2000 كم او اكتر لا يفرق عن الاصلى شىء وسعره 70 جنيه فقط قولت لازم افيد اخوانى بالموضوع ده هو اندونيسى الصنع وبكره ان شاء الله هاصور العلبه بتاعته وبتاعة التركى اللى بيصفر علشان اللى يروح يشترى ياخد باله لو حد استفاد من الموضوع يدعو لى بظهر الغيب |
رد: تيل فرامل للجراند تيريوس ممتاز جدا وسعره رخيص
جزاك الله كل خير |
رد: تيل فرامل للجراند تيريوس ممتاز جدا وسعره رخيص
جزاك الله خيراً على النصيحة بس ياريت صورة العلبة والمكان اللى بيتباع فيه
|
رد: تيل فرامل للجراند تيريوس ممتاز جدا وسعره رخيص
يا ريت ميكنش بس بياكل فى التنابير ويطلع محترم ونشكرك على ذلك ونرجوك اذا شعرت بشئ غلط او تاكل فى التنابير بعد مدة ارجوك قم باخبارنا ولا تتردد
ونشكرك |
رد: تيل فرامل للجراند تيريوس ممتاز جدا وسعره رخيص
انا معايا تيريوس بيركب عليها تيل فرامل اللانسر وكويس جدا
بس انا بستعمل الكوري مش الاندونيسي وهو كويس جدا وتمنه 65 جنيه |
| الساعة الآن 08:34 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017