بيجو 205 أرجو المساعده
 

ايه رأيوكو يا جماعه فى البيجو 205؟ انا شايف ان مفيش حاجه مكتوبه عنها فى المنتدى وأنا عاوز أشترى عربيه و بحب الهاتش باك و قدامى واحده موديل 1986 1600cc دواخل فبيركه و متعدله موديل 90 بالكامل بسعر 16500جم هل السعر مناسب و هل العربيه كويسه و قطع غيارها متوفره ؟ و ليها عيوب يا ريت حد يساعدى و شكرا لإهتمامكم

رد: بيجو 205 أرجو المساعده
 

بس يا باشا

ال 205 هي احسن عربيه في الفئه السعريه دي لانها اكيد افضل من ال 128 و ال 127

لان اعتماديه قطع الغيار اعلي و في نفس الوقت عربيه محترمه

قطع الغيار متوفره و سعرها مرتفع نسبيا و كويس انها ال 1600 سي سي هتبقي تحفه فعلا و سعرها جميل جدا جدا

بس اكشف عليها الاول و ربنا يقدم الفيه الخير

رد: بيجو 205 أرجو المساعده
 

شكرا قوى يا باشا بس يا ريت بس لو كمان تقولى استهلاكها فى البنزين كويس قد ايه فى الصفيحه تقريبا؟ و لو تقدر تقولى على قطع الغيار الدائمه التغير اسعارها ايه زى التيل و الطنابير و أسطوانه الدبرياج و طقم الكهربا و هل هيا كاربيراتير ولا انجكشن معلش حتعبك معايا

رد: بيجو 205 أرجو المساعده
 

يا ريت يا جماعه حد يرد عليا

رد: بيجو 205 أرجو المساعده
 

استهلاك الموتور ال 1600 سي سي لو الاسود يبقي 200 كم / الصفيحه و هو انجيكشن

و لو ال 1600 الالمونيوم يبقي 180 في الصفيحه و هو كلبرتير

و قطع الغيار الدائمه التغير التيل في منه انواع كتير بتبدا من 50 ال 130 جنيه
و اسطوانه و ديسك يعمل 450 جنيه اصلي (فاليو)
طنابير امامي تعمل من 150 ال 200 جنيه
سير كاتينه تعمل 100 جنيه

و كده باقي الاسعار في بهذا الاسلوب