ارجو رأيكم في سيارة شاريد سيدان مو 91
 

السلام عليكم
امامي سيارة اعتقد انها كويسة دايهاتسو شارد سيدان يابانى
فبريكة دواخل موديل 91
4فرد كاوتش جديد
و4جنوط اسبور جديدة
مرايات كهرباء وزجاج كهرباء وسنتر وانذار بالريموت
بطارية جديدة بالضمان
الرخصة سنة
فتح الشنطة وغطاء تانك البنزين من داخل
التكييف لما سألت صاحب السيارة قالي انه فرقع معاه من فترة بس ميعرفش المشكلة ايه

ممكن جد يسعر لي السيارة دي ويقولي كويسة ولا لا وياريت يقولي ااخد بالي من ايه وانا باشوفها
انا اصلا معرفش قطع غيارها عاملة ايه والصنايعية يعرفو فيها ولا لا . ممكن حد يفيدني في دي كمان
ولكم جزيل الشكر

رد: ارجو رأيكم في سيارة شاريد سيدان مو 91
 

متابع للاهمية :121155~191:

رد: ارجو رأيكم في سيارة شاريد سيدان مو 91
 

حالة الموتور بتفرق وطبعاالسمكرى هو اللى شايف العربية وسعرها بيبدأ من 25 الف تقريبا
وتكييف فرقع يعنى فلتر اتسد وكباس على الضغط وباظ ويمكن تلاجة مسدودة
ويمكن خرطوم بتلاتة شلن لكن عموما مش هيفرق فى تمن العربية ابدأ معاه من 25 الف لو فبريكا ونضيفة AHLNWSHALN

رد: ارجو رأيكم في سيارة شاريد سيدان مو 91
 

طيب قطع الغيار موجودة عند اي حد بيبيع ياباني ولا ايه ؟؟:Bravo:
والصنايعية اللي تفهم فيها كتير ولا هعمل اشتراك مع واحد معين :1336:

رد: ارجو رأيكم في سيارة شاريد سيدان مو 91
 

لو موديل السنة اتفق معاك انك هتلاقى قطع غيارها عند اى حد انما دى موديل 91 تخيل بقى حاجتها هتفضل متوافرة
وبعدين حجات اه تيل بيتعمل وطنابير موجودة بلى موجود مواتير وفتايس انت مش كل يوم هتغيرهم
تقصد كماليات محدش بيهتم بيها اى قشاية فى العربية ممكن تلاقى لها بديل اه المشكلة ؟
الصنايعية اللى بتفهم دى اول مرة اسمعها لأن معظم الصنايعية بيشتغلوا بالخبرة والحفظ مش بالفهم

هو انت اول مرة تنزل مصر ؟؟؟