|
ايه حكاية الشيكات دى ؟
بسم الله الرحمن الرحيم
يا جماعة انا ان شاء الله نويت اجيب عربية قسط و ده هيكون عن طريق كونتاكت كار و قالولى احنا موافقين ع التمويل بس لازم تروح للبنك و تعمل دفتر شيكات و انا مش فاهم هو ايه لازمته بس لو حد يقدر يفيدنى يبقى جزاه الله خير ؟ |
رد: تقسيط كونتكت كارز بالنظام الاسلامى
على فكره انا اتصلت بشركه كونتكت كار و لقيت الفايده بتاعتهم 14.13 فى الميه وده على السنه الواحده
مفيش حكايه 8.5 فى الميه دى ولا حتى 10 فى الميه كله كدب فى كدب |
رد: ايه حكاية الشيكات دى ؟
اقتباس:
انت بتفتح حساب فى البنك وبتاخد دفتر الشيكات علشان هتوقع على تقريبا 10 شيكات لكونتكت كار ضمان للقرض بالكامل وكمان هيكون فية حظر بيع للمرور وكمان توكيل سيارات رسمى منك لكونتكت كار بامتلاكة السيارة حتى سداد كامل اقساط السيارة ولو حبيت تسدد كامل اقساط السيارة فبعد السداد كونتكت هتديك جواب للمرور لفك الحظر وخطاب للالغاء التوكيل وخطاب بسداد كامل المبلغ للبنك لتحصيل المبلغ بايصال معتمد وقفل الحساب والغاء الشيكات دة تقريبا على ما اتذكر اللى بيحصل تحياتى |
رد: ايه حكاية الشيكات دى ؟
اقتباس:
|
رد: تقسيط كونتكت كارز بالنظام الاسلامى
السلام عليكم
اسف لتأخرى فى الرد لعدم رؤيتى للرسالة .. كونتكت كار فاتح حساب فى الاهلى المتحد وتقريبا كل تعاملاتة فية هو بيديك خطاب لفتح حساب بالبنك بأسمك ولما يجى ميعاد القسط بتحط فى حسابك مبلغ القسط فى اليوم المحدد والبنك بيحول القسط من حسابك لحساب كونتكت كار بتفويض منك بالتحويل .. اما بالنسبة لدفتر الشيكات كونتكت كار بتاخد منك 10 شيكات بأمضاء منك ضمان لقرض السيارة ولما تخلص الاقساط كلها كونتكت بيديك خطاب الغاء التفويض و غلق الحساب لو عاوز تقفل الحساب بس المهم هو الغاء التفويض ثم لو عاوز ال 10 شيكات اللى انت وقعت عليها بتدفع رسوم علشان يطلع لك الشيكات تقريبا 250 جنية لان الشيكات فى مكان تانى خلاصة الكلام موضوع البنك دة لتربيطك بالشيكات ولسداد الاقساط تحياتى |
| الساعة الآن 08:57 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017