علاج تسريب زيت من جوان غطا تكيهات سيفيا
 

السلام عليكم
السيفيا والشوما فيهم العيب ده....تسريب زيت من غطا التكيهات ينزل على الفرن ويتحرق ويعمل ريحه بشعه .وخاصه لو انت واقف في اشاره والشمس حاميه والتكييف عطلان وريحه الزيت المحروق خلااااص خنقتك بجد
والمشكله كل ماتغيره ب 35 ومصنعيه 20 يعني 50 جنيه يقعد شهراو شهرين بالكتير ويسرب تاني!!!!

الحل النهائي..تروح شركه (تارجت 0100208523) في فيصل اوشركه (الصحبه0112380444) في الحرفيين وتطلب جوان تاكيهات اصلي ب 100 جنيه وتوديه لميكانيكي بيفهم عشان ميربطش عليه زياده يروح يقطعه...واغسل متورك بقا وانسى التسريب انشاء الله

رد: علاج تسريب زيت من جوان غطا تكيهات سيفيا
 

بعد اللف والدوران وسرقة الميكانيكيا ليه قررت اني مدام ربنا قواني وعلمني كمبيوتر يبقي ممكن اتعلم مهنة الميكانيكي علشان كده انا الميكانيكي والكهربائي والعفشجي بتاع عربيتي السيفيا اللي بحبها جدا زي عني
المهم حل المشكله دي سهل جدا انت تروح للجني في اي فرع من فروعه اطلب جوان غطا التكيهات الأصلي بــ 80 جند
وبعدين تجيب بيبه 10 ومفك صليبه
تفتح المسامير اللي في الغطا من فوق وبعدين تشيل كبلات البوجيهات بس ما تفكش البوجيهات وبعدين تفك كل المسامير اللي في الجنب وبعدين ترفع الغطا وتنظفه بالبنزين وتنظف برده مكان الجوان في الجزء اللي في الماتور وبعدين تجيب سيلكون حراري بـــ8 جنيه مصري وتحط شويه بساط عند كل زاويه من الزوايا واماكن الكامات وبعدين تكب غطا التكيهات وتوكل علي الله بس وانت بتربط المسامير اوعي تربط جامد لأن المسامير دي ممكن تتقطم اول ما تلاقي المسمار ابتدي يقف قصادق يبقي كده اوكي
وادعولي
واي حد عايز اي حاجه في السيفيا في اي جزء فيها ممكن يراسلني علي ايميلي black_louts2006@yahoo.com

رد: علاج تسريب زيت من جوان غطا تكيهات سيفيا
 

الله ينور عليك

وعاشت رجالة مصر موتورز

رد: علاج تسريب زيت من جوان غطا تكيهات سيفيا
 

اللة يبارك فيك

رد: علاج تسريب زيت من جوان غطا تكيهات سيفيا
 

السلام عليكم يسعدني ان اكون عضو من اعضاء الكيا سيفيا --- و لسه شاري عربية موديل 2000 -- لكن عندي مشكلة ان الموتور بيرشح زيت من نحية سير الكاتينة -- علما بان الموتور شغال بشكل طبيعي من تكييف وعزم الصعود في الكباري ومنسوب زيت المحرك شبه مستقر -- اي ان الزيت ينقص بضئالة -- فارجو من خبراء السيفيا ان يقولو لي ماذا افعل--- ولكم جزيل الشكر