صيانة الــ 30 الف كليو للكـيــا ريو مو 2013
 

السلام عليكم الاخوة الكرام انا معايا ريو مو2013
و الحمدلله تمت الـ30 الف كليو بنجاح بعد معانة مع الكتاليتك :(
و عرفت انه لازم اعمل صيانه للعربية مهمه جدا فى الـ30 الف ولاني ما عملت صيانه قبل كدا للعربية غير انى بغير فلتر الزيت كل مره بغير فيها الزيت و بغير فلتر الهوا كل 10.000 وبس

فمحتاج من الاخوة حد يعرفني
1-ايه محتويات صيانه الـ30
2-و محتاج اعرف مكان محترم اعمل فيه الصيانه مع العلم ان خليجي مش وكيل و مش شاري بطاقة وكيل

افيدوني افادكم الله.

رد: صيانة الــ 30 الف كليو للكـيــا ريو مو 2013
 

لا معلش عايز اعرف ايه اللى حصل للكتالينك
انا قريت موضوعك بتاع السحب و التكييف و الكاتليتك و كلام الراجل على حكاية بخار البنزين دا كلام مش مظبوط
اللى فعلا فيه حكاية بخار البنزين حاجة اسمها كار كول كانستر


من اشهر اسباب تلف الكاتليتك هو ردائة البنزين
و فعلا ممكن تريح نفسك و تشيله و تحط ماسورة نفس القطر

و برضه ايه حكاية صيانة مهمة فى ال 30
كل الماركات بتبقى الصيانات المهمة فى ال 40 او كمان ال 60
بس على الاقل مش قبل ال 40

و فى فكرة حلوة روح التوكيل و اسئل على الصيانة هناك
كدا كدا حتدفع زيك زيى اللى جايب عربيته وكيل ما هو برضه بيدفع الصيانة مش ببلاش
هو الفرق بس انه فى الضمان لو فى عيب تصنيع
بس انتم الاتنين حتدفعوا نفس القيمة فى الصيانات الدورية

و كان ممكن تشترى ضمان من AAA (شركة امريكى) و الصيانات فى مراكز معتمدة تبعهم