رد: كيا برايد - تقرير شامل
 

السلام عليكم انا رأيي ان العربية البريد غير امنة تماما لأنى مربها مجد ما تجيب 100 تلاقى الدريكسون بيترج كتير و تبقى العربية عايمة و صعبة التحكم ابسط الاشياء عند تخطى سيارة نقل او مقطورة فى الحالة دى بتكون فى صعوبة كبيرة جدا و عاوزة مهارة و دقة و خبرة خاصة مع السيارة البيريد و دة عن تجربة شخصية جدا و بالنسبة لأستهلاك البنزين فا هو عالى جدا لكن بصراحة قطع غيارها موفرةجدا و رخيصة و كمان موش محتاجة التوكيل فى التصليح علشان هى بسيطة جدا فى مكوناتها و الميكانيكية بيفهمولها كويس قوى علشان هى تشبة لسيارات الثمنينات دة كل ما استطيع ان اقولة عنها و لو حد هيفكر يشرتريها فا يفكر فى ينو لوجان افضل الحلول و منها بيبدأ من 55.000 للمانيوال

رد: كيا برايد - تقرير شامل
 

طيب برايد العصفورة احسن ولا فيات اونو

رد: كيا برايد - تقرير شامل
 

اعتذر عن التاخير فى الرد وشكراً لجميع المشاركين وبإذن الله هرد على جميع الاستفسارات تباعاً


طيب عربية حضرتك اوتوماتيك ولا مانيوال واستهلاكها قد ايه بالظبط دلوقتى ؟

بالنسبة لاستخدام وقود 80 لو هى كرابراتير و مانيوال ممكن تحط 80 مع القيادة الهادئة وتغيير الزيت فى ميعادة وصيانة دورة الوقود بشكل دورى مش هيعمل مشاكل

لكن الانجكشن ميتحطلوش الا بنزين 90 - 92 لانه مصمم للوقود الخالى من الرصاص بالاضافة الى ان نسبة الانضغاط اعلى وان كان ممكن يمشى ببنزين 80 بس مش دائماً يعنى اذا فيه ظروف مره فى الشهر ماشى مش هتقول لاء



لو فيه رجه فى الدريكسيون بعد ال 100 اكيد فى مشكلة فى الترصيص او الكاوتش لكن العربية بتجيب لحد 160 زى اى عربية
وموضوع استهلاك البنزين ده اكيد مشكلة فرديه لان موتور المازدا B3 ده المستخدم فى البرايد والمازدا 121 والفورد فيستيفا موتور اقتصادى فى استهلاك البنزين جداً بشهادة العالم كله

اما مقارنتها باللوجان فهى فهى اكيد مش متوازنه لاختلاف السعر والتجهيزات بين الاتنين
انا واحد من الناس ميهمنيش وجود ايرباج فى مقابل وجود تكييف وزجاج كهرباء حتى ولو امامى بس ويهمنى جدا ان اسعار قطع غيارها تكون متوفره فى كل مكان جديد ومستعمل باقل اسعار مع سهولة الصيانة فى اى مكان
واكيد فى غيرى ممكن يدفع فلوس اكتر علشان ايرباج او تصميم احدث


الاتنين فى نفس المستوى تقريباً والاهم هو فرق الحالة فى مقارنة المستعمل

رد: كيا برايد - تقرير شامل
 

رد: كيا برايد - تقرير شامل
 

شكراً يا وائل باشا ربنا يخليك

اسم وائل اسم عربى قديم جداً وهناك قبائل عربية كبيرة حتى الان تندرج تحت اسم بنى وائل وهم عده قبائل من نسل وائل بن قاسط ابن هيب

http://www.moltaqa1.com/vb/showthread.php?t=1129
http://www.3rbe.com/vb/showthread.php?t=15992
http://www.moltaqa1.com/vb/showthread.php?t=35830

كما ان الاسم كان شائعا بين العرب قديماً وكان هناك من الصحابة من تسمى بهذه الاسم مثل :
وائل القيْل،
وائل بن أفلح،
وائل بن رئاب السهمي القرشى
وائل بن حجر بن ربيعة الحضرمى

اما المعنى فهو اسم فاعل من فعل وئل اى لجاء او احتمى بشىء
والوائل هو الاجئ الى - الراجع الى الله المحتمى به
وفى القرأن "لن يجدوا من دونه مؤلا"
اى لن يجدو من دون الله ملجئاً