|
اشتري كورولا 2007 ولالا والمميزات والعيوب وهل لسه حد بيشتريها
هل لسه حد بيشتري كورولا 2007 ولا خلاص راحت عليها ولا ايه انا مش عارف معروض عليا واحد مفيهاش خربوش واتوماتيك مش عارف بقا اشتريها ولالا بس انا اعتقد ان عربيه بقالها 6سنين في السوق يعني طالع عينها ومطحونه ولا ايه انا مش عارف هي بس 115 الف معروضه عليا وانا لواشتريت مش بايع قبل سنتين سنتين ونص مش عارف يعني ممكن سعرها ينزل جامد اوي ولا ايه وهي حلوه ولالا من وجه نظركم ؟؟؟؟؟؟؟؟؟؟؟؟؟؟؟؟؟؟؟؟ ربنا يكرمك ردوا عليا علشان انا متحير جدا هو انا كنت هشتريها او هشتري سيراتو 2012 الجنط 16 فمحتار بينها وبين السيراتو بقول دي ياباني ودي كوري يبقى الياباني يكسب وبقول دي زيرو ودي مستعمل 6سنين فبقول السيراتو احسن فمش عارف انا زهقت انا كنت عاوز عربيه تستحمل وقويه وتستحمل طرق يعني مش تمام اوي يعني العربيه الي هشتريها هتمشي 2 او 3 في الاسبوع في كيلو واحد بس هي الي مش تمام وبعد كده الطرق تمام اوي فمش عارف انا عاوز حاجة تستحملني وتكون برضو حلوة وتكيفها حلو وقوي فمش عارف ارجوكم افيدوني :w6w200504112220146b:fun_ 36_1_44[1]: ربنا يكرمكم وجزاكم الله كل خير :30p[1]::playing_music::010104~1 71::010104~171::010104~17 1::CONGRA~238:FLASHCar
|
رد: اشتري كورولا 2007 ولالا والمميزات والعيوب وهل لسه حد بيشتريها
أنا شخصيا مش مقتنع بموضوع الكورولا اللي بقالها ست سنين وبتتباع مستعمله اكتر من سعرها اللي جايه بيه زيرو بس بيقال اني عيوبها قليله بس بردو حرام اجيب عربيه ب 115 الف مستعمله وطبعا هتلاقيها مشيت مشي السنين بس كل اللي خاضوا تجربة الكورولا القديمه بيقولو انها تستاهل سعرها بس انا مش مقتنع بردو وبصراحه انا بفضل الزيرو بس بلاش السيراتو حاول تشوف اي حاجه تانيه
|
رد: اشتري كورولا 2007 ولالا والمميزات والعيوب وهل لسه حد بيشتريها
فعلا الناس كتير بتشكر في الكرولا وخاصه الموديل ده اللي هوه 2007 بس هي فعلا غاليه جدا وانا بنصحك بالزيرو افضل وممكن تزود شويه واجيب لانسر ياباني ولها سوق وقطع غيارها رخيصه او نيسان تيدا هاتش باك برضه جميله جدا والله الموفق
|
رد: اشتري كورولا 2007 ولالا والمميزات والعيوب وهل لسه حد بيشتريها
بص انا لما بتكلم مش بتكلم من كلام بسمعة و مش بقول كدة عشان انا معايا العربية FLASHCar العربية التويوتا احسن بكتييير من السيراتو ... التيوتا الشكل اللى هو 2007 ده احسن من الجديد كمان و يابانى 100% التويوتا عربية فرملها حلوة جداً تكيفها تحفة فعلن انا فى عز الظهر سعات بشغلو على واحد بس يمكن عشان انا دلوقتى مركب فاميه و ستاير فممكن ده يخلى العربية بتسقع اسرع لكن اول مجبت العربية و قبل مركب فيها الحجات ديه كنت بشغلو على 2 فى عز الظهر و 1 بليييل و الا هتلج جوه العربية و العربية عاليه عن الارض و كويسة للشوارع بتاعتنا و المطبات و الذى منه و كمان عفشتها حلوة جداً و ماتورها كويس و العزل بتعها هايل و اقتصادية فى البنزيين و واسعة جداً من جوة و الجلوس جواها مريح جداً و انا انصحك بيها عن السيراتو بكتيير و احكيلك موقف الراجل اللى اشتريت منو العربية كان بيبعها عشان يجيب سيراتو بعد مجاب السيراتو بأسبوع كلمنى و قالى انا ادفعلك اللى انتا عايزه بس ترجعلى العربية و قالى التويوتا برقبت السيراتو و انا ارشح بكل قوة التيوتا و عن تجربة :010104~171: و موضوع 2007 مش شرط تكون مهلوكة هتشوف حلتها لما تعاينها و حضرتك بتقول مفيهاش خربوش و عايز اعرف بس عاملة كام كم ؟؟ و الحجات اللى تخلى بالك منها و انت بتشترى تبص على الحوض كويس و ترفع العربية فى البنزينة و تشوف بعينك كدة حالة الصالون .. الفرش / التابلوه الحجات ديه يعنى تخلى بالك منها لقيتها كويسة يبقى على بركة الله
وتقبل مرورى :CONGRA~238: |
رد: اشتري كورولا 2007 ولالا والمميزات والعيوب وهل لسه حد بيشتريها
الكرولا الشكل القديم جميله بس السعر عالي اوى
|
| الساعة الآن 05:34 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017