مصر موتورز مجتمع السيارات - الحمد لله انا قررت انى ابدأ فى استخراج الجواب ؟؟فية كام سؤال كدة ؟؟

مصر موتورز مجتمع السيارات (https://www.masrmotors.com/vb/index.php)

- جمارك السيارات (https://www.masrmotors.com/vb/forumdisplay.php?f=140)

الحمد لله انا قررت انى ابدأ فى استخراج الجواب ؟؟فية كام سؤال كدة ؟؟

عاوز اعرف الحكاية كلها من الاول الى الاخر ؟
وفية كام سؤال محيرنى
1- هو انا اول ما اروح اقدم الورق هحدد الجمرك اللى هختار علية فى اول يوم هروح
2- لو انا حددت الجمرك بورسعيد وروحت جمرك شبين الكوم فية مشكلة كدة ؟

وبما انى اساسا من شبين الكوم فروحت سالت فى الجمرك

الشركة اللى هنا اسمها كريستال اولاد حسين ؟ ( كويسة ولا لأ ) لو اتعاملت معاهم

ماتريكس لافيتا من موديل 2000 الى 2002 تترواح من 40 الى 47 الف
وطبعا السعر دة غالى على اللى لاقيتة هنا فى المنتدى من الاعضاء اللى جابوا .

والنوبيرا من موديل 99 الى 2001 تتراوح من 30 الى 35 الف

وعاوز اعرف المدة بالفعل ؟؟
يعنى اما اروح اقدم الورق فيه كشف فى نفس اليوم ؟
طب لو الكشف بعدها هعرف قبل ما امشى هاجى امتى ؟

فية مكاتب تخلص حكاية الورق دة بس يكون مضمون؟

انا بفكر فى ماتريكس اللافيتا 2002 او 2001 بس اهم حاجة اتوماتيك

رد: الحمد لله انا قررت انى ابدأ فى استخراج الجواب ؟؟فية كام سؤال كدة ؟؟

أنا من شبين الكوم كلمنى وانا اعرفك على الموضوع من اوله لآخره حسن شرف 01112535152

رد: الحمد لله انا قررت انى ابدأ فى استخراج الجواب ؟؟فية كام سؤال كدة ؟؟

هتحدد الجمرك وقت كتابة الورق. وبتلتزم بالشراء من هذا الجمرك. لو حبيت تغير الجمرك بعد كتابة الورق ممكن هذا ولكن بتأخد بتاع شهر لحد ما الورق ينتقل من جمرك لاخر، وكمان بتعمل إجراءات.

المنوفية مفهاش غير كريستال فبتكون محدود معاهم وتفضل تتابع لحد ما تلاقى حاجة كويسة. كريستال عربياته كلها على قد حالتها. بيجيبوا الحاجات المتوسطة. الحالات الشاذة بتكون نادرة ومش بتيجى شبين اصلا.

عند تقديم الورق بتكشف نظر فى نفس اليوم. والعظام بعدها بفترة.

الاسعار اللى انت قلت عليها هى هى اسعار السيارات الان فى بورسعيد. الاسعار شدت بعد الثورة والتجار بيبحثوا عن مكسب اعلى يعوض الخسارة ووقف الحال... الفرق بيكون فى الحالة فقط. يعنى ممكن تلاقى فى بورسعيد سيارة لافيتا بمبلغ 43 الف مثلا زى اللى عند كريستال ولكن الحالة بتاعتها احسن. الميزة فى جمرك شبين انك ممكن تروح تشوف العربيات كل يوم برحتك بدون تكلفة ولكن فى بورسعيد لو أجرت عربية ورحت يبقى لازم تشترى لان المشوار بيكلفك جامد، وهذا كله بيزود سعر العربية عليك فى النهاية.

من رأى روح جمرك شبين وتابع لحد ما تلاقى عربية كويسة وحدد اللى أنت عاوزة مع كريستال وهو يجبها لك...