لخبراء البيجو
 

ازيكم يا احلي اعضاء من فضلكم كان عايز من اهل الخبرة معلومات عن سيارة بيحو 206 موديل 2001 من حيث الاداء السحب الشكل كل حاجة عن العربية دي لاني بصراحة عجباني اووووووووي وناوي ان شاء الله اشتري واحدة وشكرا

رد: لخبراء البيجو
 

اهلا وسهلا بيك عضو جديد :)
البيجو 206 عربيه ممتازه جدا
قطع غيارها تعتبر متوسطه في سعرها و موجوده خارج التوكيل
اي مركز خدمه محترم ممكن يشتغل فيها لان مافيهاش تعقيد الفرنساوي
قطع غيارها موجوده خارج التوكيل
بالنسبه للشكل فطبعا شكلها لا يختلف عليه اتنين
مجرمه فعلاااااا:)
بالنسبه للاعتماديه فهي معقوله
في منها مواتير 1100 و 1400
اسعارها في الخمسينات
اهم حاجه و انت بتشتري تجيب حاله نضيفه اوي
و ابعد عن العربيات المتهانه مهما كان سعرها قليل
لانها لو حالتها مش نضيفه حتكرهك في العربيات من اصله

رد: لخبراء البيجو
 

استنى نور بيجو هايجيب المفيد

رد: لخبراء البيجو
 

بص يا باشا العربيه في منها موترين زي ما حازم قال

واحد 1100 و واحد 1400

ال 1100 موفره جدا في البنزين بس تكييف ضعيف نسبيا و السحب ضعيف نسبيا

بس قطع غيار ارخص و صيانه اسهل


اما ال 1400 سحب عالي و استهلاك بنزين قليل بس مش اقل من ال 1100

و تكييف جيد جدا و اعتماديه اعلي من ال 1100 كمان بس قطع الغيار اعلي من ال 1100 شويه بسيطه

و بتفرق طبعا في العفشه و الفرامل

ثبات ال 1400 اعلي و ثانيا تنفع في السفر جدا و موتورها بقوه 75 حصان

و رينج الاسعار دلوقتي

من 35 ال 45 حسب الحاله و ممكن اقل

و لو عزت انزل معا حضرتك السوق برده مفيش مشكله انا تحت امرك بس نتفق علي المعاد

و دي نمرتي لو احتجت اي حاجه

رد: لخبراء البيجو
 

شكرا للاخ حازم وللاخ نور علي تعاونكم معي