شارك معانا و أتبرع ولو بتصويت
 

السلام عليكم

أنا كنت بدور على عربية حلوه بـ 140,000 :) وياريت تكون أوروبى.

كنت بفاضل بين بيجو 301 و ستروين سى إليسى (الاثنين أعلى فئة)

وانا ميلت أوى ناحية البيجو مع أنى عجبنى مقدمه الستروين بس التابلوة النيكل بتاعها مش عاجبنى أوى.

المهم رحت أبص عليها فى الطارق - مول العرب فا قالى عندى إلنترا كوبيه عليها خصم 20,000 يعنى 140,000
بصراحة العربية شكلها يجنن بس لما ركبتها محستش بالقوة فى التقفيل زى ما حسيت فى البيجو الهاى لاين ، وفى ناس حظرونى من الصاج بتاعها.

و بعدين أنا أصلا زهقت من الكورى بس الصراحة السعر رائع و هايجننى والعربية حلوة.

انا يهمنى عربية تعيش معايا و ما تعملش مشاكل و تفضل علطول ماسكة نفسها.

يا أهل الخبرة أشترى البيجو ولا الهونداى ولا الستروين ؟؟؟

رد: شارك معانا و أتبرع ولو بتصويت
 

نصيحة لله ابعد عن البيجو ال301 والسيتروين

فيهم عيب في الفتيس ( ناتشة بين النقلات ) وسعات الحرارة بتعلي

غير ان التوكيل مش مهتم اوي
وفي ناس عملت شكاوي في حماية المستهلك ( ده خلاصة كلام ملاك العربية من علي النت)

رايي خليك في الانترا

رد: شارك معانا و أتبرع ولو بتصويت
 

انصحك بالبيجو طالما عاوز عربية تعيش معاك و قوية

رد: شارك معانا و أتبرع ولو بتصويت
 

أنا فعلا سمعت موضوع النتشة و التكيف بس اللى قريتة هنا أنهم أتحلو !!

موضوع الحرارة أول مرة أسمع عنه الصراحة

انا بس خايف من صاج الإلنترا علشان حبيبتى مصر

وكمان سمعت إن غبور هايسيب هيونداى فا ساعتها الوضع ممكن يكون صعب

رد: شارك معانا و أتبرع ولو بتصويت
 

شكرا على النصيحه
أنا فعلا ميال ليها أوى