مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   عالم تأمين السيارات (https://www.masrmotors.com/vb/forumdisplay.php?f=61)
-   -   استفسارات هامة فى التامين (https://www.masrmotors.com/vb/showthread.php?t=122120)

Saif eldien 15-12-2013 06:28 PM

استفسارات هامة فى التامين
 
كثير من الاعضاء بتسال وطلبت اننا نعمل موضوع عن استفسارات التامين وهنا ان شاء الله ستجد جميع الردود والاستفسارات ال تهم اى شخص متعامل مع التامين
س/ اية الفرق بين التامين الاختيارى والتامين الاجبارى
ج/ التمين الاجبارى دة بتاع المرور ولا يستفيد منة صاحب السيارة اما التامين الاختيارى هو ال بيعملة العميل وبيكون بسبب انة مقسط سياراتة او انة حرصا منة على سرقة السيارة والهلاك وغيرة من الامور ال بيشملها التامين
س/ هل التامين حرام
ج/ موضوع حرام دة وحلال الحرام ما حرم فى القران بنص صريح اما انة غير مستحب فاعتقد ان من يقول ذلك من الناس فعلية انة لا يركب سيارة لان فى تامين فى المرور ولا يسافر لان فى تامين على السفر كما يحدث فى العمرة والحج والى اخرة
س/ عندى عربية ومش شايف ان التامين فائدة لى
ج/ التامين مفيد جدا ولكنك لا تعلم ادارتة يعنى لو عربيتك الجديدة او القديمة حصل ليها حادث فيمكنك اصلاحها على حساب التامين ولو سرقت ولو حصل حريق ليها ولكن اعرف ازاى تدير تامينك
س/ شركات التامين نصابة يظهروا ساعت عمل بوليصة التامين واخذ الفلوس وبعد كدة محدش يعبرك
ج/ اعرف ان عمل بوليصة وتعامل مع منتج ليس فقط وانما فى فرق بين منتج واخر فى تقديم خدمتة منذ باية تعاملة معك الى اخر يوم فى نهاية البوليصة
س/ اية الفرق بين منتج واخر ويعنى اية وسيط تامينى ويعنى اية سمسار تامينى
ج/ منتج تامينى بيكون موظف فى شركة تامين ويجب عليك التاكد من شخصيتة والشركة التبع لها اما وسيط تامينى دة بيكون حر لا يتعامل مع شركة واحدة وانما يعمل مع شركات تامين كثيرة ودة بيكون لية مكتب خاص او حر لا مكان لة
اما سمسار تامينى فهو شبية بالوسيط رغم انة ممكن ان يكون مقيد فى الهيئة
س/ اعرف منين انى بتعامل مع منتج تامينى جيد
ج/ اعرف منى شركتة التبع ليها وقوتها فى السوق المصرى كمان اعرف منة خدماتة الكاملة بدايتا من سعر وثيقة وهل بها تحملات على العميل من عدمة واقراء وثيقتك جيدا وتاكد انها بدون تحمل نهائيا واعرف منة باقى خدماتة يعنى لو حصل ليك حادث هيساعدك ولا يقولك روح دور على اى حد يصلح ولا يقولك روح التوكيل وتعامل مع نفسك انما المنتج الجيد من يتابع عميلة ويرشدة على افضل طرق الاصلاح ويتابع معاك حتى لو وجهك لمركز يكون فاهم انة يعمل الشغل ال فى عربيتى وزيادة كمان ميدفعنيش اى شى ولما الشيك يطلع ياخد الشيك المركز ولو انا ال دفعت يتابع معى المنتج حتى يطلع الشيك
س/ عايز سعر تامين رخص على عربيتى
ج/ اغلب الشركات اليوم اسعرها متقاربة جدا جدا ولكن حصولك على السعر القليل يعنى انك تحصل على تحمل حتى ولو بنسبة 4 فى الالف ودة علشان توفر 200 او 300 جنية وتجد نفسك عملت حادث وسعتها شيك التعويض يطلع مخصوم منة مبالغ كثيرة طيب لية دة لانك عملت بوليصة بتحمل وحاولت توفر مبلغ الاول دفعتة بعد كدة اضعافة فى حادث واحد
س/ انا مبعملش حوادث بس عربيتى بها بعد الحكات والخربيش وشرخ بسيط فى فانوس ونقرة فى الزجاج هل التامين يعمل ما بالسيارة
ج/ نعم فمن حقق ان تقوم باصلاح السيارة وتجديد ما بها
س/ يعنى اية تحمل فى بوليصة التامين
ج/ حتى يحصل العميل على سعر قليل فى ثمن البوليصة اسناء الاصدار فبيطر المنتج لعمل تحمل ودة بيكون نسبة قليلة ولكن سكة لخصم مبالخ من قيمة الاصلاح بعد اى حادث غير الاستهلاك
س/ يعنى اية استهلاك
ج/ يعنى ان العميل لما امن على سياراتة وهى موديل 2010 جديدة بعد 2 عام عمل حادث هل قيمة السيارة فى عام 2012 هى نفس قيمة السيارة وهى فى 2010 لا طبعا لان بالفعل حصل استهلاك لها
س/ التوكيل حلو فى الصيانة وضمان قطع الغيار بس لية هيئة التامين بتحملنى 10% من قيمة الاصلاح
ج/ لان التوكيل اى شى عندة بيكون اضعاف ثمنة برة ولان التوكيل فى اغلب الامور بكون مبالغ فى الاصلاح والاسعار
س/ عملت حادث ومعملتش محضر شرطة اعمل اية
ج/ اسال المنتج بتاعك ولو هو منتج قوى اى مشكلة عندك هيحلهالك هو والمراكز ال بتعامل مع المنتج دة
س/ عملت حادث بس العربية باسمى وانا ممعيش رخصة
ج/ لو زوجك معاة رخصة يمكن البلاغ بها او ابنك (كل المشاكل دة وغيرها مع منتك قوى ومركز يحلوهالك)
دة بداية وسنعود ثانيا

تأمين 16-12-2013 12:24 PM

رد: استفسارات هامة فى التامين
 
شكرا علي التوضيح

M.A.G.I.C 06-07-2014 03:39 PM

رد: استفسارات هامة فى التامين
 
طبعا انا من اكبر الاخطاء اللي عملتها في حياتي اني مش كنت فاهم الاول ولما مراتي عملت حادثه بالعربية نسيت موضوع التامين ده وغيرت نص للعربية علي حسابي وقولت الحمد لله فاديه مراتي
ولكن لاحظت ان بدفع تامين وانا مش مستفيد منه عند تجديد الرخصه

ليموزين اسكندريه 25-01-2015 04:37 PM

رد: استفسارات هامة فى التامين
 
لو سمحت ياجماعه كنت عايز أعرف عن موضوع تأمين على الركاب بالنسبه للناس اللى بتعمل فى مجال خدمه الليموزين

kanaba 02-02-2015 08:33 PM

رد: استفسارات هامة فى التامين
 
انا منتج في شركة مصر للتامين لو حضرتك حابب تستفسر عن عن اي حاجة علي التامين سواء علي الاشخاص او السيارات انا تحت امرك 01005043000


الساعة الآن 02:47 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017