كيا سول - مازدا 3 - رينو فلوانس
 

تحياتى لجميع الاعضاء الكرام , وأسجل اعجابى الشديد بالمنتدى وبأعضاءة , أرجو الاستفادة من خبراتكم والمساعدة فى الاختيار بين السيارات الاتيه

أولا \ كيا سول.....
1- اللى مخوفنى منها وارجو من الاعضاء ان يفيدونى باستفاضة عنها .... مدى ثبات السيارة ع السرعات العالية و المنحنيات مع الوضع فى الاعتبار ان السيارة عالية عن الارض مما قد يؤثر فى ثبات السيارة سلبا , يعنى ممكن اجيب بيها لسرعة كام وانا مطمن (سؤال هااام جدا )
2-وهل يمكن تركيب ديفندر للكيا سول
3- هل كون السيارة كورى ده شئ يعيب السيارة

ثانيا \مازدا 3
1- على عكس كيا سول اللى مخوفنى من هذة السيارة انها واطية جدا ع الارض , فهل ده بيأثر جامد الاحتكاك بالمطبات ام ان هذا العيب ممكن التغاضى عنة
2- هل ضيق الكنبة الخلفية شئ مزعج ام مقبول

ثالثا \ كنت بفكر في الرينو فلوانس لكن كبر حجم السيارة اشعرنى بانها غير شبابية بالمرة لشاب مثلى , كما اننى سمعت انها ليست جيدة فى المناورات والشد والغرز

شكرا مقدما لكم

رد: كيا سول - مازدا 3 - رينو فلوانس
 

احسن حاجه شبابيه شويه في كل دول هي المازدا 3 ولو انت عايز عربيه رياضيه اوي عندك الكروز بس هي واطيه اويي بس عربيه رياضيه ار حتجه والرياضيه بجد هي الجولف بس سعرها 176 الف بس مفيش احلا منها في الشد والغرز وتقبل تحياتي :Wkiss5::Wkiss5:

رد: كيا سول - مازدا 3 - رينو فلوانس
 

أولا أؤيدك في استبعاد الرينو

ثانيا: بالنسبة للكيا سول، فهي سيارة شبابية في المقام الأول، ولكنها ليست مخصصة للقيادة الرياضية ، بل على العكس فهي مخصصة أكثر لأوقات النزهة، وبها الكثير من المميزات الشبابية من ناحية الشكل والتجهيزات والمساحة الداخلية

من وجهة نظري فأقصى سرعة آمنة (للمناورة) لسيارة في حجمها في حدود 140 كم، ويمكنك الرجوع للزملاء مالكي السيارة للتأكد منهم... مع العلم بأن هذه السيارة هي المفضلة لي شخصيا

ثالثا: بالنسبة للمازدا 3، فلا شك بأنها الأكثر ثباتا وسرعة، وانخفاض السيارة معناه ثبات أعلى، ولكن إذا كنت تود اصطحاب أصدقاءك في السيارة باستمرار... فاجعلها الخيار الثاني لك


في رأيي... لو كنت تود سيارة شبابية رياضية وذات شكل مبهر... فأنصحك بالكيا سيراتو كوبيه أو الهيونداي فيلوستر



...

رد: كيا سول - مازدا 3 - رينو فلوانس
 

بس انا في رأيي الشخصي ان العربيات دي محتاجة خبير فني و ميكانيكي يفرق بينهم و هتكون فروق بسيطة قوي بس كلمة مني عن كل عربية ....

1- الكيا سول : عربية تكنولوجيا و شكل و راحة و شبابية قوي ... بس الايرو ديناميك بتاعتها نظريا و هندسيا مش تمام .. بس معتقدش كيا هتنزل عربية ثباتها مش حلو ... و مع العلم ان اي عربية بعد ال 160 مش بتكون ثابتة بالمفهوم بتاعنا احنا ... اللهم الا الالماني

2 - المازدا 3 : انتا بتتكلم في معجزة برضوا عربية شكل خرافي و تكنولوجيا و ثبات حلو و ما يعيبهاش انخفاضها على الارض لأنك لو عاوز ثبات عالي يبقى العربية لازم تكون واطية على الارض عشان يكون مركز ثقل العربية منخفض و دي التضحية اللي لازم تفكر فيها ( يا عزيزي الفيزياء لا ترحمنا ) :fun_10_1_124[1]:

3- الرينو فلوانس : انا عن نفسي مش شايف فيها عيب نهائي اللهم الا ان قطع غيارها غالية و دة برضوا مش عيب لنك هتلاقي دة في السول و المازدا ... و عربية منتشرة و شكلها حلو قوي و كشاب من نظرتي الشخصية هختار عربية تخلي شكلي كبير و الفلووانس تخلي شكلك كبير قوي و عربية اناقة يا برنس :)))

فوق كل دة و دة ... عندك الكورولا في نفس الفئة السعرية ... لو حابب الهاتش باك فيه عند الوحش الكوري فيلوستر ... فيه عندك عربيات تانية وهم في الفئة السعرية دي

رد: كيا سول - مازدا 3 - رينو فلوانس
 

شكرا mohamed hossam elemam و borio1704 و بالنسبة لللجولف والفيلوستر والكوبية فهى خارج الامكانيات لان حدودى بالكتير 130 وبحب الجديد , ويا ريت لو الاقى عربية بمواصفات شبابية أرخص

بالنسبة للمازدا 3 فهى التى وجدت معظم ما اتمناة , ولكن يؤرقنى موضوع الاحتكاح بالمطبات على الرغم من انى لن اصطحب أصدقاءى في السيارة باستمرار انما ستقتصر ع زوجة وبنوتة صغيرة , وكمان انا كان معايا رينو لوجان وكنت برفع الكرسى ع الاخر قكنت بحس بارتفاع ملحوظ ع الارض فلما اغير لمازدا 3 فهل هحس انى راكب ع الارض , ولا الموضوع مش زى ما انا متخيل

اما السول فبحب علوها ع الارض ويا سلام لو ركبت ديفندر مش هشيل هم التجاريح والخبطات الامامية والخلفية . ومش هحس باختلاف عن سياراتى القديمة لوجان من حيث الارتفاع عن الارض , لكن نرجع برضوا لقصة عدم ثبات السيارة نظرا لارتفاعها

فعلا الموضوع محير

:shyy: