تشحيم السيارة و غسيل الموتور
 

يا ريت الإفادة عن كيفية تشحيم السيارة و متى يتوجب تشحيم السيارة و هل يجب تنظيفها من تحت قبل التشحيم؟ و المدة بين كل مره ؟
هل رفع السيارة و غسلها من تحت يضر بالحساسات لأن لما رحت اغسلها فى البنزينة عامل الغسيل نصح بعدم غسلها و هى مرفوعه نظرا لأن حصل مع سيارات مشابهه انه بعد الغسيل عملت error
و نفس الشئ بالنسبة لغسيل الموتور هل الأفضل غسله و لا تنظيفة بالهواء فقط.
أسفة على الإطالة و لكم جزيل الشكر

رد: تشحيم السيارة و غسيل الموتور
 

رد: تشحيم السيارة و غسيل الموتور
 

كلام عامل البنزينة مظبوط .... الكثير من الحساسات و الوصلات الكهربائية تتأثر بمياه الغسيل
و يفضل الغسيل الكيماوى للموتور ... يعنى غسيله بمادة مخصصة للغسيل .. علشان الوصلات الكهربائية للحساسات لا تتلف

اما عن غسيل العربية من الاسفل ... او غسل الشاسيه .... فبيتم علشان النظافة ... و ازالة الطين منه .. لأن الطين بيحتفظ بالماء و من الممكن انه يعمل بارومة ( تأكل فى الصاج )
لو فيه حساسات حتتأثر بالغسيل ده ... يتم تجنب توجيه مياه الغسيل المباشرة لهذة المناطق

تشحيم السيارة بيكون للحاجات الى بتحتاج تتشحم ... زى صلايب الكردان ... بيض العجل و المقصات احيانا

http://7rea.com/d/1424801315461.jpg

http://7rea.com/d/1424801315522.jpg

دى اشكال لصلايب الكردان فيها مشاحم ... فيه انواع صلايب مفيهاش مشاحم ... دى مش بتحتاج تتشحم .. و حضرتك من الخبرة و الاستخدام و درجة الحرارة ... بتحدد فترات التشحيم

ادى حضرتك مثال ....
عربيتى قديمة و مفيش فيها حساسات و لا كمبيوتر ... بنعمل التالى ...

العربية مش بتكون سخنة اوى ....
1- يتم تغطية الاسبراتير بكيس بلاستيك عادى .. خوفا من تسرب الماء اليه .. و تغطية كتاوت الكهرباء و علبة الفيوز

2- يتم غسيل الموتور بالجاز فى البداية لازالة اى اثار للزيوت
3- يتم غسيل المحرك بالفوم السائل
4- يتم غسيل المحرك بمسدس الماء لازالة اى اثار للجاز او الفوم
فيه ناس بتكتفى بغسيل المحرك بالجاز فقط ... ينفع .. بس بيخلى العربية ريحتها جاز حتى يتطاير الجاز من سخونة المحرك
5- يتم غسيل شاسية العربية من تحت و الاكصدامات بمسدس الماء
6- نقوم بتشحيم الصلايب و العجل و اى اجزاء بتتحرك و ليها مشاحم .... لو بستخدم العربية كتير فيتم التشحيم مرة فى الشهر .... لو مش بستخدمها كتير ... مرة كل ستة اشهر
لو غرزت فى الرملة او مشيت فى مدق فترة ... لازم العربية تتغسل من تحت و تتشحم لازالة اى اثار للرمال او التراب

رد: تشحيم السيارة و غسيل الموتور
 

شكرا على الرد الدقيق و المفصل. متعرفش حضرتك بنزينه فيها تشحيم فى مدينة نصر او مصر الجديده لأن معظمهم لا يوجد به هذه الخدمة.
حضرتك ذكرت ان لو فيه حساسات و وصلات كهربائية حتتأثر بالغسيل فيتم توجيه الماء بعيد عن الحساسات. طب عامل البنزينه حيعرف منين مكان الحساسات هما بيغسلوا و خلاص و بعدين هل حساسات قياس ضغط الكاوتش ممكن تتأثر بالغسيل لأن الحساس الرابع فاصل و قد لاحظت عن وجود مطر انه بيشتغل لوحده و بعدين يفصل تانى. يبقى الأفضل اعمل ايه اغسلها من اسفل و لا اسيبها و خصوصا ان عند نهاية فصل الشتاء من المفترض رفع العربيه و غسيلها.
و لحضرتك جزيل الشكر

رد: تشحيم السيارة و غسيل الموتور
 

هى شيروكى 2008 و شكرا على الرد