صيانة الريس ميكانيكا البايك مشاكل وحلول (مجهود الاعضاء)
 

بما انه ما في قسم للصيانة ففكرت في عمل هذا الموضوع ويكون متجدد يعرض الاعضاء مشاكلهم مع الميكانيكا ويتم وضع الحلول في المشاركات لنستفيد كلنا خاصة المبتدئين
ولنهرب من استغلال الميكانيكية والصنايعية اللي بيسرقوك عيني عينك ولازم تعمل نفسك عبيط وش واخد بالك

انا عندي هوندا سي بي ار 250 عادة موديل 1985 وكان صاحبه مبهدله
يعني دائما عندي تجدد في المشاكل الميكانيكية وكل اصحاب الخبرة عارفين ان الماكينة دي مشاكلها كتير
نبدأ باخر مشاكلي
الموتوسيكل بطل يدور مارش ما بيدور غير زق وهو بارد بيكون زقه كتير ومجهد وهو ساخن بيدور زق على طول ولاحظت اني لما بدوس على المارش محاولا دورانه الصوت بيضعف كأن البطارية بتموت
--------------------------
عرفت ان المشكلة من الاكتفاير (معذرة لو كتبته غلط) وهو يمثل دور الدينامو وبيعرفوه لما يزودوا بنزين النور يزيد معاه = اكتفاير سليم
تحيرت اشتري الياباني واخبروني انه تايلاندي او اشتري الصيني - او ياباني استيراد
اخترت الاستيراد وركبته - صوت الكلاكس وضح والنور اصبح اقوى كما كان فمعناه ان البطارية شحنت ولكن الماكينة مش بتدور مارش (المشكلة الاولى) - الماكينة متبرجلة خالص وما فيها عزم خالص (المشكلة الثانية)
بالرغم من اني مغير بوجيهات من اسبوع ومركب طلمبة بنزين جديدة (لها قصة اخرى فكروني احكيها لكم)- وبدور على ميكانيكي بارع وامين يقبل الشغل المتعب في موتوسيكلي

رد: صيانة الريس ميكانيكا البايك مشاكل وحلول (مجهود الاعضاء)
 

ارجو ان تكون المشاركات ايجابية مش شكرا وربنا يوفقك
نريد ان تقول رأيك حسب خبرتك حتى لو قليلة فانت تملك خبرة
ولو خاطئة ستستفيد بعد ان يصحح معلوماتك الاكثر خبرة منك
ولو عندك انت ايضا مشكلة اطرحها لنرد عليك

وما خاب من استشار

رد: صيانة الريس ميكانيكا البايك مشاكل وحلول (مجهود الاعضاء)
 

للتذكرة كلامي على honda cbr 250
فكرت يكون الكلام بالارقام خاصة الاسعار لتعم الفائدة ونستطيع مقارنة الاسعار
الاوكتافير الياباني 390ج
الصيني 140 وسمعت 70ج (وسمعت انه ما بيطول في البايك)
الاستيراد 250ج (اكيد ياباني ولكن انت ونصيبك)

رد: صيانة الريس ميكانيكا البايك مشاكل وحلول (مجهود الاعضاء)
 

السلام عليكم يابوادهم لو مشكلة الدوارة دى ابتدت بعد ما الاوكتافير باظ كده يكون العيب من البطارية لان بعد ما الاوكتافيربيبوظ البطارية مبيوصلهاش شحن يعنى البطارية انت بتستهلك منها كلاكس ونور ومارش بس مش بتشحنها فكده ممكن البطارية تدور المتوسيكل يوم او اتنين لكن بعد كده الشحنة اللى فيها بتضعف ومبتقدرش تقوم المكنة فانت جرب تجيب بطارية حد صاحبك وتوصلها عندك وشوف كده المكنة هتدور وللا لأ لو دارت مارش يبقى العيب كان بطارية فتودي بطاريتك تتشحن عند بتاع البطاريات

رد: صيانة الريس ميكانيكا البايك مشاكل وحلول (مجهود الاعضاء)
 

-------------
كلامك تمام يا جميل
انا فكرت فعلا اني اذهب واشحن البطارية وهشوف وهقولك
-------------