ما هي وضعية القيادة المفضلة لك في سيارتك ؟؟؟؟
 

طبعا ياجماعة كل واحد مننا ليه طريقة في الجلوس على كرسي السواق ووضعية قيادة مفضلة وبيستريح ليها .. ياريت كل واحد يخش ويقول ايه افضل وضعية قيادة بيحبها او ايه وضعية القيادة المحببة ليه ؟؟؟ .... انا هبدا بنفسي .. اولا بحب ان انزل كرسي السواق تحت للاخر وانزل معاه الدركسيون يعني ابقا غطسان في العربية لكن اهم حاجة اني ابقا شايف قدامي كويس . بعد كده ارجع كرسي السواق للاخر بحيث اني لما امسك الدركسيون تكون ايدي ممدودة من متنية وطبعا تكون رجلي ممدودة برضه للدواسات مش متنية وابقا ماسك الدركسيون من فوق وبايدي الشمال وايدي اليمين يا أما ماسك بيها الفتيس لو العربية مانيوال او ساندها على مسند الايد لو كانت اوتوماتيك وطبعا انا مش بربط حزام الامان الا في لما اكون سريع علشان الايرباج او لما اكون داخل على لجنة انما لو وسط الزحمة مش بحب اربطه وطبعا بحب اشغل الكاسيت على اعلى درجة والتكييف على اعلى درجة برضه والازاز مقفول ومش بفتحه ابدا ... طبعا هيا وضعية غريبة جدا بس بصراحة هيا دي الوضعية اللي بحبها ومعرفش اسوق من غيرها .... يلا بقا قولي انتا .. ما هي وضعية القيادة المفضلة لك في سيارتك ؟؟؟؟

رد: ما هي وضعية القيادة المفضلة لك في سيارتك ؟؟؟؟
 

رد: ما هي وضعية القيادة المفضلة لك في سيارتك ؟؟؟؟
 

حسب المود والزبون ! :shyy:

رد: ما هي وضعية القيادة المفضلة لك في سيارتك ؟؟؟؟
 

انا بقعد نفس قعدتك بالظبط .... بس للأسف في الفيرنا الدركسيون مش بينزل لتحت
انما انا عندي ميزة تانيه عنك بقى
أنا عندي التكييف على تاني درجة وأول درجة كمان بيخلي العربية ساقعة
مش بحتاج اعليه للآخر

بس انا نفس القعدة بالظبط برضو

رد: ما هي وضعية القيادة المفضلة لك في سيارتك ؟؟؟؟
 

حسب اللى راكب معايا بقا يا رجاله لو كاونو صحابى بيبقا الكرسى راجع لأخره والكاسيت عالى وسايق وانا نايم على جنبى اليمين مش قاعد اصلاً :10FEE3~144:

لكن لو مع الحاج ببقا لازق ف البربريز وركبى خابطه ف الدريكسيون
ههههههههههه :shyy: