اتفاقية رفع الجمارك عن الأوروبى ، هتقلب أسعار العربيات فى مصر ؟؟ شارك برأيك
 

الاتفاقية الموقعة بين مصر والاتحاد الأوروبى واللى بناء عليها هيتم تقليل الجمارك على العربيات الأوروبى بنسبة 10% كل سنة وبكده على سنة 2019 يبقى مفيش جمارك على العربيات الأوروبى لما تدخل مصر

ده هيأثر علينا فى مصر ازاى ؟

اختلفت الآراء :

رأى بيقول ان ده هيشجع الناس تشترى الأوروبى أكتر فى خلال السنين الجاية وبكده هينافس اليابانى والآسيوى عموما ، خصوصا مع توفر الجودة فى الأوروبى ، بس يا ترى ده هيرخص أسعار قطع الغيار ؟ يعنى اللى يشترى أوروبى دلوقت ومقلق من موضوع توفر قطع الغيار ، ما يقلقش ؟

رأى تانى : الاتفاقية دى هتسبب ان العربيات الأوروبى ما تمسكش سعر ، يعنى هتشترى عربية السنة دى لو جيت تبيع كمان سنتين ، تلاتة ، هتنزل فى السعر مرتين مرة عشان العربية مستعملة ، ومرة عشان الزيرو بتاعها رخص أكتر من السعر اللى انت اشتريت به !!!

انت رأيك ايه ؟

رد: اتفاقية رفع الجمارك عن الأوروبى ، هتقلب أسعار العربيات فى مصر ؟؟ شارك برأيك
 

محدش له رأى فى الموضوع ده ؟

رد: اتفاقية رفع الجمارك عن الأوروبى ، هتقلب أسعار العربيات فى مصر ؟؟ شارك برأيك
 

كل حاجه بتغلا سنويا تقريبا 10 % فمتهيألي ان اللي ها ينقص من الجمارك هايزيد في السعر
وعشان الشعب المصري الطيب ما يزعلش ان عربياته المستعمله هاترخص ولاد الحلال هايلاقوا خمسميت سبب انهم يغلوا العربيات حتى لو مافيش ضرايب خالص
في ظل الحكومات المصريه الحاليه والقادمه ماحدش يقلق لان دي سياسه ثابته ومتوارثه االمواطن يدووووب يجيب عربيه
نقوم ياحرام نضربها له ف السوق و نرخص الزيرو ده اسمه كلام ؟

رد: اتفاقية رفع الجمارك عن الأوروبى ، هتقلب أسعار العربيات فى مصر ؟؟ شارك برأيك
 

:Bravo::Bravo:يا مسهل الحال يا رب...

رد: اتفاقية رفع الجمارك عن الأوروبى ، هتقلب أسعار العربيات فى مصر ؟؟ شارك برأيك
 

الهدف اصلا من الاتفاقية مصلحة المصانع الاوروبيه وموافقة مصر عليها اكبر دليل على ان واضعى قوانين الجمارك ناس حرامية ونصبو على الشعب

سنة 2019 جمارك السيارت الاروبى هتبقى = 0 ؟؟؟؟
طب فين حق الدولة المزعوم فى الجمارك هيتنزلو عنة مقابل اية؟

طيب وكل القوانين التنية الغبية المرطبته بقانون الجمارك زى
(شروط استيارد السيارات للعاملين بالخارج - وشرط ان تكون السيارة موديل نفس السنة)
هتفضل ولا هتدوب هيا كمان ؟
.