بخصوص علبة الدركسيون
 

انا عندى مشكلة فى علبة الدركسيون عربية بولونيز بسمع طقطقه مع لفة الدركسيون شمال والدركسيون نفسه فى بوش خفيف مع العلم انى مغير عفشه جديده ( بار دركسيون وتيش و بيض وبيض بار دركسيون )

افيدونى فى حل المشكله بتاع العفشه بيقول علبة الدركسيون هيا المشكلة

هل علبة الدركسيون بتتصلح ولا تتغير واجيب واحده استيراد

ولو فى حد يكون فاهم فى العفشه جداا ياريت يقولى على حد اروحله يكون فى عين شمس او المطريه بس يكون كويس

رد: بخصوص علبة الدركسيون
 

أنا أعرف أن الطقطقة دي بتبقى كبالن بس لو مش من الكبالن أو عربيتك دفع خلفي
يبقى تغير الإسكاترا أحسن وخاصة لو كنت صلحتها كذا مرة قبل كدة
أنا لسة إمبارح بالظبط مغير علبة الإسكاترا كلها لأن القديمة حشيتها كذا مرة وكان فيها بوش
فرحت مغيرها وحسيت فعلا بفرق شاسع
أهم حاجة تشوف عفشجي كويس
ربنا معاك

رد: بخصوص علبة الدركسيون
 

شكرا على الرد سؤال تانى الاسكترا ده اللى بيعملها الميكانيكى ولا العفشجى وحشها بيكلف كام ولو جديده ولا استيراد احسن وبتتجاب بكام ومنين

رد: بخصوص علبة الدركسيون
 

عربيتك مش اسكترا...عربيتك علبة دركسيون عادية زى اللادا كده

مش عارف ايه موضوع الطقطقة ده بالظبط بس شرط يكون منها....بالنسبة للبوش علب الدركسيون ( اللى هى بنظام الدودة و ترس) بيبقى فيه دايماً سنة بوش حتى و هى جديدة

حسب بقى اللى عندك لو بسيط هيبقى طبيعى لو جامد يبقى فيه مشكلة سواء فيه او فى اى جزء تانى

العلبة ممكن العفشجى يوضبها او فى ناس متخصصين فى تصليحها ...بس انا مش مقتنع بالحوار ده ع الرغم من انى ما جربتهوش
و لا بطمن للأستيراد الا لو معاك حد فاهم و هيجب لك حاجة كويسة...و حتى الجديد بقى مشكوك فى امره

فانت مبدأيا اتأكد ان العيب منها هى عشان ما تغرمش نفسك ع الفاضى

رد: بخصوص علبة الدركسيون
 

شكرا على الاهتمام بالموضوع بس عايز اعرف الميكانيكى ولا بتاع العفشة وياريت حد يقولى على واحد عفشجى يكون فاهم وقديم ومكانه يكون قريب من عين شمس او المطريه