مصر موتورز مجتمع السيارات - اصعب موقف في حياتي (ربنا نجاني من الموت )

مش عارف ابدء منين بس انا البلي عندي كان في مشكله زي ما الناس عارفه المهم كنت نازل البلد الخميس الي فات وقلت هغير جمبين استيراد اجبهم من الحرفين عشان اخلص من موضوع البلي ده المهم وانا ماشي علي الدائري فجاه صوت فرمله جامده في العربيه عندي والعربيه بطلت وقعدة تزحف كتير قوووووووي وطبعا الكلام ده كلو في نص الدائري وانتو عارفين بقي الدائري المهم فجاه العربيه وقفت بيا في نص الطريق والناس طبعا طايره علي الدايري والعربيه الي وراي كانت هتخبطني قامت فدتني وجت وقفت جمبي ونزل منها الراجل قلي دي العجله قفشت وفجاه جت عربيه خبطت عربية الرجل وكلنا وقفين في نص الدائري وانا مش عارف اعمل ايه المهم دوبدل ركنو علي اليمين وانا عربيتي مش راضيه تتحرك والناس تقلي سبها وتعالا علي جمب وقفت علي اليمين ومستنيها خلاص تتخبط مهو مستحيل عربيه وقفه في نص الدايره كده وعادي يعني المهم رحتلها تاني وحولت احركها والحمد لله اتحركت تقريبا بعد ما بردت ركنتها علي اليمين وشكرت ربنا انها وقفت حوالي تلت ساعه في نص الدائري والعربيات كتير كانت هتخبطها بس بتلحق نفسها علي الاخر المهم مشيت بيها برحت لحد موصلت ونزلت بعد كده جمبي جمبين كملين ببليهم وفردتين كوتش بدل الي باظ ومساعدين ومقصات لزوم باقي التظبيط . المهم الي عايز ااقولو من كل ده منسكتش علي حاجه في العربيه مهما كانت تافهه وبيقلك مش هتاثر عشان لاقدر الله ميحصلش لحد زي الي حصل معايا لاني فعلا ربنا نجاني من الموت .........واسف علي التطويل