ما هى الأعراض التى تحدث للسيارة بسبب تلف المانيفول
 

أرجو من السادة الأعضاءالمشاركة والتعريف وعرض المشاكل التى تحدث للسيارة بسبب تلف المانيفول ولو ممكن شرح حتى لو بسيط عن وظيفة المانيفول لأن عندى مشكلة فى سيارتى ومش لاقى ليها حل عند الميكانيكية وقولت أسئل فى منتدانا الحبيب ما هو المانيفول ؟؟؟؟ يمكن يطلع السبب منه 00000 وشكرا

رد: ما هى الأعراض التى تحدث للسيارة بسبب تلف المانيفول
 

ايه المشكله اللي بتظهر معاك؟؟

رد: ما هى الأعراض التى تحدث للسيارة بسبب تلف المانيفول
 

المانيفولد هو نطق باللغه العربيه لكلمة manifold الأنجليزيه

ولأى محرك أحتراق داخلى (مثل محركات السيارت ) يوجد نوعين من المانيفولدات

1- مانيفولد الدخول للهواء الفرش البارد وبنسميه هندسيا intake manifold

وده اللى بيخش منه الهواء القادم من فلتر الهواء لأسطوانات الحريق بالمكنه

2- مانيفولد العادم وده بنسميه هندسيا exhaust manifold ( أى مانفولد العادم ) وبيسمى لدى الصنايعيه بفرن المكنه (نظرا لسخونته الشديده من غازات العادم الخارجه من صبابات العادم ) الى خط الشكمان

بالمناسبه

كلمة مانيفولد بتترجم إلى مشعب ( أى مخرج ذو تشعبات )

أنت تقصد مين فيهم وأيه اللى بايظ فيه .................؟

رد: ما هى الأعراض التى تحدث للسيارة بسبب تلف المانيفول
 

عملت وش سلندر لأن الزيت دخل على المية المهم خدت وش السلندر وروحت المخرطة زودة وقشطة وركبة الميكانيكى وظهرت الشاكل الأتية السيارة فيها رعشة وصوت المحرك غير منتظم فى السرنسية وأنا ماشى على الثانى أوالثالث وأشيل رجلى من على دواسة البنزين ألاقى العربية تنتش والسيارة تترج والماتور يسقف والشكلة حصلت بعد عمل وش السلندر وأحب أعرف سيادتك اليوم الميكانيكى غير واير الدبرياج ووطى الدبرياج وغير البوجيهات ونضف الحساس والبوابة وضبط التيكهات وكانت النتيجة بعد الشغل دة إن سحب العربية أصبح بطىء يعنى جابت سرعة 120 بالعافية وأنا دايس على دواسة البنزين على الأخر والمشكلة كما هى رعشة ورجرجة وتنتيش وتسقيف وقولت أسئل يمكن يكون العيب منة

رد: ما هى الأعراض التى تحدث للسيارة بسبب تلف المانيفول
 

أشكرك على المعلومة القيمة وأشكرك على التصحيح وأرجو منك شرح مبسط للبند رقم 1 وشكرا مرة ثانية

رد: ما هى الأعراض التى تحدث للسيارة بسبب تلف المانيفول
 

فى عربيتك الدايو ماتيز

المانيفولد بيبقى وراء البوابه اللى عليها بلف الأيدل وحساس البوابه ( تقريبا زى نظام السيارات الانوس مع فارق التشبيه )

ووظيفته فقط توصيل الهواء القادم من الفلتر ومار بالبوابه الى صبابات دخول الهواء

ليس أكثر من هذا

ومفيش حاجه ممكن تعملك خلل فى سرعة السلانسيه الا لو كان جوان المايفولد تالف أو المانيفولد مش متربط كويس على الوش

وأعتقد مفيش عندك أدنى مشكله فى مانيفولد دخول الهواء للمحرك من خلال شرحك لملابسات موضوع الزيت على الميه

http://www.masrmotors.com/vb/showthread.php?t=34414

رد: ما هى الأعراض التى تحدث للسيارة بسبب تلف المانيفول
 

بارك الله فيك يابشمهندس سمير على شرحك وسهولة توصيل المعلومة وربنا يكرمك
وشكرا