مصر موتورز مجتمع السيارات - معرفة اي حاجه عن تركيب السيراميك

مصر موتورز مجتمع السيارات (https://www.masrmotors.com/vb/index.php)

- تجارب اﻷعضاء (https://www.masrmotors.com/vb/forumdisplay.php?f=178)

- - معرفة اي حاجه عن تركيب السيراميك (https://www.masrmotors.com/vb/showthread.php?t=66955)

رد: معرفة اي حاجه عن تركيب السيراميك

اقتباس:

المشاركة الأصلية كتبت بواسطة حمدي 84 (المشاركة 510921)

حضرتك تجيب شوية اسمنت ابيض وتعجينهم بالماء حتي يصيروا معجون وتسحبهم علي الموضع بسكينة مجون او بيدك حتي وتتركها تنشف والشكر لله

والاسمنت الابيض ده ميطلعش بعد كدا بالمسيح يعنى عملى ولا فى حاجة احسن ..

صحيح يا ريت تقولنا شوية ملاحظات لما نيجى نشترى السيراميك ازاى نعرف البلاطه الكويسه من اللى مش كويسه بصرف النظر عن سمعة الشركة المنتجة ولك جزيل الشكر ..

رد: معرفة اي حاجه عن تركيب السيراميك

أنا كان مركبلي السيراميك في البيت صنايعية معدومي الضمير
توجد فروق كثيرة في العرانيس بين البلاطات و الزقية كانت جبس مش أسمنت هشة للغاية
كيف يمكن معالجة هذه العيوب ؟؟

رد: معرفة اي حاجه عن تركيب السيراميك

اقتباس:

المشاركة الأصلية كتبت بواسطة motez (المشاركة 511248)

ان شاء الله مش هيطلع لسبب انه بيمسك في فاصل البلاطه من ناحية والثانيه بيمسك في طبقة الفخار ودي بتقبل الاسمنت او بتفاعل معاه اما لو علي الوش الصيني فدي مش عايزة كلام هطلع واما عن سؤالك الاخر انا ممكن اقولك بعض الشركات ودي علي سبيل ان عيوبها قليله او ممكن نعديها بالنسبه لغيرها لان البورسلين ذات نفسه فيه عيوب وهذة العيوب ما بيعرفش الا الصنيعي وكمان مبيعرفهاش الا علي الشغل اما لومسك البلاطه فهو مثله مثلك فبيعرف العيوب من خلال الخيط والميزان وممكن لو قلب بلاطين علي بعض ممكن يعرف مسطح البلاطه عامل ايه المهم في بعد كيلو بترا والجوهرة شركات كويسه مثل رويال وارت وبريما ولو حبيت تنزل كمان شويه ممكن ليسكو وعموما لو هتشتري ممكن تبقي تقولي قبلها اقولك علي بعض الحاجات والله الموفق والمستعان

رد: معرفة اي حاجه عن تركيب السيراميك

اقتباس:

المشاركة الأصلية كتبت بواسطة alymonir (المشاركة 511363)

اما عن الفروق الكبيرة اللي بين العرانيس فدي مقدرش احكم عليها الا بالرؤيه لانها ممكن تكون عيب صنيعي وممكن تكون عيب بلاطه ولو عيب بلاطه هتكون اما البلاطه مزويه يعني زاوية البلاطه مش 90درجة او البلاطه فيها كبير وصغير ودي غالبا بتكون في بلاطه مثل مرينا او الفراعنه او الروك واما عن السقيه فاستحاله يسقي بجبس استحاله لانه هيشك وهو بيسقي فهو مش هيعرف يسقي به اصلا هو ممكن تكون السقيه مش حلو كأن يكون سقي بمياة بدل اللاباني او الفواصل فيها تراب يعني متفتحتش حلو المهم الحل تجيب فرشه سلك وتفتح كل الفواصل اللي فتحت وتكنسها كويس ورش عليها شوية مياة واسقيها معجون اسمنت ابيض

رد: معرفة اي حاجه عن تركيب السيراميك

اقتباس:

المشاركة الأصلية كتبت بواسطة حمدي 84 (المشاركة 511430)

اما عن الفروق الكبيرة اللي بين العرانيس فدي مقدرش احكم عليها الا بالرؤيه لانها ممكن تكون عيب صنيعي هي عيب صنايعي وممكن تكون عيب بلاطه ولو عيب بلاطه هتكون اما البلاطه مزويه يعني زاوية البلاطه مش 90درجة او البلاطه فيها كبير وصغير ودي غالبا بتكون في بلاطه مثل مرينا او الفراعنه او الروك واما عن السقيه فاستحاله يسقي بجبس استحاله لانه هيشك وهو بيسقي أنا متأكد انه ساقي بجبس , هو اللي قال حتى فهو مش هيعرف يسقي به اصلا هو ممكن تكون السقيه مش حلو كأن يكون سقي بمياة بدل اللاباني او الفواصل فيها تراب ممكن برضه يعني متفتحتش حلو المهم الحل تجيب فرشه سلك وتفتح كل الفواصل اللي فتحت وتكنسها كويس ورش عليها شوية مياة واسقيها معجون اسمنت ابيض

المشكلة ان عندي في الحمام كمثال الفواصل كانت فيها جبس و بينزل لما تكرر عليه ظفرك و ينزل بودرة ( ارضيه و حيطان ) ف اتذاكيت و قلت حاعملها لوحدي و جبت حد يساعدني و اشتريت 5 كيلو اسمن ابيض و توكلت على الله و ليست الدنيا من غير ما أفتح و لا غيره
كان الوضع قبل كدة احسن
دلوقتي الحمام كله متلطش بواقي أسمنت على الحيطة و الأرضية العرانيس طافحة أسمنت ابيض و عرضها حوالي 1 سم
يعني خرافة :)
في حل يا دكتور ؟؟