طلب مشورة
 

عربيتى شاهين 1300 كل شهرين تقريبا بيتلف سير الكتينة هل هو معدلة الطبيعى فى الموتور 1300
مع العلم تم تغير ترس الكامة وترس الكرنك الى بيركب عليهم سير الكتين
ارجو الافادة من اهل الخبرة لانى تعبت جدا من هذا العطل

رد: طلب مشورة
 

طيب وبلية الشداد مش بتغيرها لية ؟

رد: طلب مشورة
 

مفهاش شداد من الاصل

رد: طلب مشورة
 

اقتباس:

المشاركة الأصلية كتبت بواسطة medhat1963 (المشاركة 853338) مفهاش شداد من الاصل

تقصد مفيهاش بلية شداد
المهم حاول تشوف اه السبب انه بيقطع ممكن يكون حاجة فى الموتور نفسه

يعنى لو الكامة تقيله عليه أظبط تاكيهاتك وريح المكنة وغيرلها زيت نوعه نضيف وروقها ماتستخسرش لأنها مكنة جميلة كانت معايا أكتر من 10 سنين على طقم شنبر
وبايع العربية كانت ماشاء الله ماشية زى الفل

شوف يباشا اول حاجة تكون التروس راكبة مظبوط والغطا بتاعها يكون راكب ومربوط تمام ميدخلش بلاوى من الشارع
كمان اولسيه الكرنك لازم يكون سليم عشان اساسا السير بيقطع لو جه علية زيت من المكنة وياسلام بقى لو الزيت بتاع المكنة اساسا محروق ومنتهى هيدوب معاه السير وياكله بدرى بدرى


ياريت تراجع على الكلام ده كله وتفيدنا باللى حصل بالظبط وتنقل التجربة كاملة علشان كلنا نستفيد ربنا يباركلك

وأى إستفسار كلمنى لو كلم مستر أسترا


تحياتى لأستاذى مستر أسترا و مستر كارز أدماير

رد: طلب مشورة
 

الف الف شكر وربنا يوفق دايم لان كلمك وشرحك ريحنى كتير وسوف اقوم بعمل كل ماوصيت به