باركولى يا شباب بقيت من ملاك الماروتى
 

السلام عليكم ورحمه الله و بركاته

بركولى يا شباب بقيت من ملاك الماروتى

العربية موديل 95 صاحبها لسة عامل لها عمرة ماتور و بيقول مغير كل حاجة جوة
و بطارية جديدة و كاوتش جديد

كان ماسك على 17 الف بس اخدتها بعد خناق ب 16 الف على اساس انها مش محتاجة مصروف غير حاجات بسيطة خالص

هو باغةالفانوس الورانى مش موجودة فمش عارف هية بكام و بتتباع لوحدها ولا لازم الجوز

هو سبب العمرة ان العربية سخنت فحط فيها مية من غير ما تكون دايرة فطبعا الماتور باظ منه

هو حاليا موصل المروحة مباشرة على الكونتاكت بزرار فالحرارة على الربع
مش مفروض الحرارة تكون فى النص؟
هل دا غلط على الماتور؟


انا لسة جديد لانج مع الماروتى فيا ترى تنصحونى باى؟

و شكرا جزيلا

رد: باركولى يا شباب بقيت من ملاك الماروتى
 

الف الف مبرو علي العربيه
بس الاخ mr_astra جاوب عليك في موضوعك السابق علي تزويد الميه والعربيه مبطله وقال :
تزويد المياه وهى سخنة بيجيب جوان وش سلندر
وممكن لو فك الوش يلاقى الوش مقفع ودة اكتر حاجة ممكن تحصل نتيجة التزويد بالمياه الباردة
وبعدين لو انا صاحب العربية وواخد قرار البيع اية اللى يخلينى اعمل عمرة موتور كاملة وهى فيها جوان بس
والكلام ده صحيح وبالكبير هتجيب وش سلندر ههيغير الوش وخلاص علي كده
بالنسبه لسؤالك هنا البروده اكتر من اللازم بتخلي العربيه تاكل بنزين لازم المروحه تشتغل عند اللزوم وتبطل عند اللزوم مينفعش تشتغل عمال علي بطال وفلا دره حرارة الماتور قبل النص بسنه بسيطه لانها لو وصلت للنص وعدته بسنه بسيطه المروحه تشتغل وترجعها لقبل النص بسنه بسطيه
واخيرا الف مبورك وربنا يديك خيرها ويكفيك شرها

رد: باركولى يا شباب بقيت من ملاك الماروتى
 

مبروك السعر معقول
واهم حاجة انك تتابع الزيت والمية باستمرار وطبعا ما تزودش الميه غير وهى باردة او لو سخنة وهى دايرة

رد: باركولى يا شباب بقيت من ملاك الماروتى
 

رد: باركولى يا شباب بقيت من ملاك الماروتى
 

نسيت اقول ان الميكانيكى الى كان بيصلحها شايل منها فلتر الهواء فيا ترى اى السبب؟