مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   المرور والشهر العقارى (https://www.masrmotors.com/vb/forumdisplay.php?f=89)
-   -   ما هى الاوراق المطلوبه للتقديم للرخصه الخاصه (https://www.masrmotors.com/vb/showthread.php?t=78444)

sasa3 29-01-2012 03:30 AM

ما هى الاوراق المطلوبه للتقديم للرخصه الخاصه
 
السلام عليكم و رحمة الله و بركاته

لو سمحت يا رجاله هو يوم ما بنقدم على الرخصه الخاصه فى المرور بيكون مطلوب مننها ورق ايه نقدمه

بالنسبه لو هقدم على مدرسة المرور

او لو هقدم على امتحان على طول

و هل الشهادات الطبيه لازم اخدها معايا فى نفس اليوم ده الى هقدم فيه ولا امتى؟؟

screamseko 29-01-2012 03:40 AM

رد: ما هى الاوراق المطلوبه للتقديم للرخصه الخاصه
 
المستندات والأوراق المطلوبة :

يتم إستخراج الرخص من مرور محل اقامة طالب الترخيص .
ألا يقل السن عن 18 عام مع تقديم ما يثبت شخصيته ومحل إقامة طالب الترخيص ( بطاقة الرقم القومي).
تقديم أربع صور شمسية حديثة .
تقديم ما يفيد الحصول على شهادة إتمام مرحلة دراسية أو شهادة محو الأمية الصادرة من الهيئة العامة لمحو الأمية وتعليم الكبار .
إثبات اللياقة الطبية بموجب شهادتين طبيتين (باطني – عيون) مع تحديد فصيلة الدم .
إجتياز الإختبار النظري والعملي في القيادة وفي قواعد وآداب المرور ..
المدرسه حدورلك عليها واقولك برضه

حسام البورسعيدى 29-01-2012 04:01 AM

رد: ما هى الاوراق المطلوبه للتقديم للرخصه الخاصه
 
الخطوات كالتالى :

- روح اى مستشفى او عياده حكوميه وطلع شهاده باطنه وشهاده نظر بيكلفوا غالبا 20 جنية ..

- هتحتاج حوالى 4 صور 4*6 ..

- هتحتاج صوره البطاقة الشخصية

- اشترى ملف رخصة خاصة من المرور ب 8.5 جنية ..

- املا الاستماره بتاعت الملف وحط الشهادتين وصوره البطاقة والصور الشخصية فيه وقدمه فى المرور .. وهيحددولك ميعاد للامتحان النظرى .. ولما تمتحن النظرى وتنجح باذن الله هيحددولك ميعاد العملى .. ولما تنجح باذن الله غالبا هيقولك تعالا بكره علشان تستلم الرخصة ..

- لما تيجى تستلم هتدفع مبلغ 45 جنية كرسم لاستخراج الرخصة وبعدين تروح تتصور وتستلم الرخصة فى ساعتها باذن الله ...

بالتوفيق ........

sasa3 29-01-2012 05:39 AM

رد: ما هى الاوراق المطلوبه للتقديم للرخصه الخاصه
 
الف شكر ليكم يا رجاله

عملتوا الواجب و زياده

طب انا شغال فى الجامعه اجيب ورق من هناك يدل انى مخلص مثلا ولا ازاى

مش المفروض البطاقه تغنى عن الكلام ده

حسام البورسعيدى 29-01-2012 09:15 PM

رد: ما هى الاوراق المطلوبه للتقديم للرخصه الخاصه
 
اقتباس:

المشاركة الأصلية كتبت بواسطة sasa3 (المشاركة 605612)
الف شكر ليكم يا رجاله

عملتوا الواجب و زياده

طب انا شغال فى الجامعه اجيب ورق من هناك يدل انى مخلص مثلا ولا ازاى

مش المفروض البطاقه تغنى عن الكلام ده


مفيش حاجة مطلوبه اكتر من اللى قلتهولك يا باشا ..

طالما البطاقة مكتوب فيها المهنه او المؤهل يبقى تمام ...


الساعة الآن 11:19 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017