|
ورشة الروبي لسمكرة ودهان السيارات
(بسم الله)
اتشرف بأن اعلن علي منتدي مصر موتورز علي ورشتي ورشة الروبي لسمكرة ودهان السيارات بأسعار خاصه لأعضاء المنتدي مع امكانية معاينة السيارات في اماكنها في حالة جدية الدهان مع امكانية استلام السياره من اصحابها واعادتها وطبعا يشرفني حضور اصحاب السيارات لمعاينة الورشه والعمل علي الطبيعه وده لينك للورشه علي الفيس بوك Elropy for car painting-الروبي لسمكرة ودهان السيارات تقبلوا تحياتي |
رد: ورشة الروبي لسمكرة ودهان السيارات
السلام عليكم يا أستاذ أيمن
بالتوفيق إن شاء الله أنا قرأت موضوعاتك عن دهان السيارات و استفدت كتير من حضرتك جزاك الله خيرًا كنت عايز اسأل حضرتك عن تكلفة دهان سيارة ماروتي سادة علمًا بأن فيها شغل سمكرة كتير في الأبواب والعتب والأرضيات والقوايم والكبود والشنطة يعني العربية كلها عدا السقف في بوية كتيرة واقعة والمعجون نافش عن الصاج السمكري بيقول المعجون القديم زفر والعربية عايزة تيجي كلها عالصاج فلو هتتعمل صح وتتأسس من الصاج تتكلف كام لو دهان سادة دواخل وخوارج ؟ وأنا من اسكندرية فهل يا ترى ورشة حضرتك ليها فرع هنا في اسكندرية و متشكر جدًا لحضرتك |
رد: ورشة الروبي لسمكرة ودهان السيارات
فين مكان المركز,,,,,,,,,؟
كم تكلفه دهان مرسيدس 280 لون لايت بلو ميتالك- خامات محترمه - ؟! ,,,,,,,,,,تحياتى |
رد: ورشة الروبي لسمكرة ودهان السيارات
اقتباس:
بالنسبه للسمكره مقدرش اقولك تتكلف كام غير لما اشوفها اما بالنسبه للدهان دواخل ومن بره لون ساده مبدئيا 1800ج لحد ما تتعاين وللأسف معنديش فرع في اسكندريه وربنا يفوقك في مكان محترم في الاسكندريه ولو حضرتك بتنزل بيها القاهره كتير ممكن اعملهالك انا قريب من المحور جدا |
رد: ورشة الروبي لسمكرة ودهان السيارات
اقتباس:
تكلفة الدهان تبدأ من 1800ج كسعر مبدئي بتوليفه خامات محترمه وحرفيه عاليه تضمنلك جوده دهان في اقصي الظروف من التعرض المباشر للشمس وعوامل الجو والسير والسعر ممكن يختلف حسب الاتفاق علي نوع الخامات |
| الساعة الآن 06:33 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017