استفسار عن فوانيس العربية اللى بتتعمل"بتتصب" فى المحلات
 

السلام عليكم...انا معايا تويوتا أفانزا وكنت عاوز اغيرلها الفانوس اللى ورا لانه بقى عامل زى فانوس رمضان مفهوش قزازة سليمة ومتلزق..
طبعا لما روحت التوكيل المحترم فى العباسية عشان اسأل على سعره صدمت...750 جنيه"فى حته باغة"...مشيت وقمت رايح التوفيقية مفيييييش خالص..روحت تسع تلاف مرة ولفيت الدنيا انى الاقى واحد صينى متهرب مفيش..وسالت عند ناس بتاع فوانيس اللى بتتصب قالى هاتلى القاعدة واصبلك عليها...قالى هيبقى درجته زى الاصل بنسبة 90% وب150 جنيه ...انا فكرت فى الموضوع ده لكن انا خايف يطلع مش هو خالص وازاى هيعرف شكل الفانوس الحقيقى وهو مش متوفر فى السوق...أرجووووووووكم حد يفيدنى ولو حد عمل الموضوع ده قبل كدة يقولى نتيجة الصبة ازاى وهل هى زى الاصل ولا تعبانة وخسارة فيها ال150 جنيه...معللش هتعبكم معايا بس عشان الفانوس مكسر وفى فتحة فى الشنطة بتدخل تراب شنيع مكان الكسر...:00020080:

رد: استفسار عن فوانيس العربية اللى بتتعمل"بتتصب" فى المحلات
 

السلام عليكم ورحمة الله وبركاته
أخي العزيز
واجهت مشكلة مثل مشكلتك مع عربيتي البروتون وكلمت التوكيل قالولي ماعتدتاش وشوش لازم تغير الفانوس كله وكان بـ 560 ولما سألت في السوق قالولي على الشركة الأهلية اللي في غمرة
بصراحه الناس كويسة ولكن لازم ياخدوا الفانوس التاني السليم علشان يعملوا زيه بالضبط وعملوهولي بحوالي 100 جنيه لكن لازم تسيب الفوانيس 4 أيام كاملة يعني يا إما تمشي بدون فوانيس خلفيه يا إما تركن العربية.
والفانوس المصبوب جميل لكن فيه فرق في التقفيل طبعاً عن الأصلي يعني فيه حوالي 3 مللي عن صاج العربية فرق لكن ممكن طبعاً تتسد بسهولة
ROSE4U

رد: استفسار عن فوانيس العربية اللى بتتعمل"بتتصب" فى المحلات
 

الصب فى احسن حالاته بيكون شبه الفانوس الاصلى بنسبة لا تتعدى 75 % ..

انا عن نفسى مش بفضله خالص ..

انسب حاجة تدور على فانوس استيراد ....

رد: استفسار عن فوانيس العربية اللى بتتعمل"بتتصب" فى المحلات
 

شكرا لمروركم الكريم...طيب هو خامة الزجاج اللى بيتعمل بيه بتبقى نظيفة ولا تعبانة وخسارة فيها ال100 جنيه ولو الفانوس فيه تقسيمات بتطلع هي هى زى الاصل وكمان درجة لون الزجاج الاحمر والبرتقالى اللى فى الفنوس بتبقى زى الاصل ولا فاتحة ولا غامقة؟؟؟أرجوكم حد يفيدنى لانى محتار ومش لاقى فانوس يوحد ربنا:w6w200504112245306e

رد: استفسار عن فوانيس العربية اللى بتتعمل"بتتصب" فى المحلات